Освежувачки оброци пред тренингот

Главниот оброк пред вежбањето е добро да го изедете отприлика два часа порано. Потребно е одредено време за да се свари храната и за да не почувствувате никаква тежина во желудникот додека кревате тегови. Исто така, за да имате доволно сила, немојте да вежбате на празен стомак или премногу часа после оброкот. Следуваат некои рецепти кои ќе ве освежат, но и кои ќе ви дадат доволно енергија за тренинг.

Салата од краставица со прелив од немасно сирење

Со оглед на тоа дека постојат и зеленчук и посно сирење кои како извор на протеин содржат казеин (бавно разградувачки протеин), овој оброк е идеален за еден или два часа пред тренингот. За подготвка на овој оброк не е потребно многу време, а воедно ќе добиете и доволно хранливи материи за тренингот кој ви претстои. Исто така, постои и опција со помалку јаглехидрати за сите оние кои внимаваат на внесувањето на јаглехидрати.

Потребни состојки:

• 100g немасно сирење
• 100g кремасто сирење со мала количина на јаглехидрати
• 50 g нискомаслен јогурт
• 1/2 лажиче мало лажиче медитерански зачини
• 5 g маслиново масло (1 мала лажичка)
• 5 g јаболков оцет
• сецкан лук или други зачини по вкус
• 200 g свежи краставички (1 краставица со средна големина)

Начин на подготовка:

Сите сосојки освен краставичките, ставете ги во блендер и добро промешајте.

Оставете ја смесата да се излади во фрижидер, а за тоа време, излупете и исечкајте ги свежите краставици.

На крајот промешајте се заедно.

Нутритивни вредности:

• Енергетска вредност: 230 kcal
• Протеини: 26 g
• Јаглехидрати: 13 g
• Масти: 7 g

Смути од ванила со круша

Уште еден брз и лесен оброк. Овој смути е идеален кога паузата од вашиот последен оброк е малку подолга, и ви е потребна енергија за тренинг. Лесно и брзо се вари, а јаглехидратите од крушата ќе ви дадат и уште малку побрза енергија. Исто така, овој смути, можете да го искористите и како прв оброк после тренингот.

Потребни состојки:

• 150 g нискомаслен јогурт
• 30 g whey протеин од ванила
• 150g круши

Начин на подготовка:

Сите состојки ставете ги во блендер и добро измешајте. По желба, можете да зачините со малку цимет.

Нутритивни вредности:

• Енергетска вредност: 274 kcal
• Протеини: 30 g
• Јаглехидрати: 32 g
• Масти: 3 g:

Нискомаслена урда со бобинки

Овој оброк бара претходна подготовка, за да може добро да се излади. Совршен е како лесен меѓуоброк пред тренингот. Можете да го искористите било кое свежо овошје кое ви се допаѓа.

Потребни состојки:

• 250g урда
• 5 g желатин
• 250 g замрзнати бобинки

Начин на подготовка:

Урдата добро помешајте ја и по потреба додадете засладувач.

Овошјето можете само да го промешате со урдата, или доколку повеќе сакате, измиксајте се заедно.

Желатинот подгответе го според упатството, а потоа ставете го во урдата.

Кога смесата ќе се стврдне, ставете ја во фрижидер за добро да се излади.

Нутритивни вредности:

• Енергетска вредност: 319 kcal
• Протеини: 38 g
• Јаглехидрати: 28 g
• Масти: 6 g