Гимнастичарките можат да се пофалат со витка и складна фигура на која можеме да им завидиме. Но, зад нивниот елегантен изглед се кријат часови и часови вежбање и тестирање на секој мускул од телото. Иако некои од вежбите многумина не можат да ги изведат, постојат и такви за стомак, кои се навистина ефикасни и кои може да се копираат и изведуваат и дома.

 

1.вежба

 

  • Легнете на стомак и потпрете се на подлактите.
  • Подигнете го телото во положба за склек, но така што се уште да се потпирате на лактите.
  • Приближете се со нозете и подигнете го задникот, така што телоот да биде свиткано под агол од 50 до 60 степени.
  • Подигнете ја левата нога и приближете го коленото кон градите, вратете ја ногата во првобитната положба, па истото повторете го и со другата нога, наизменично.
  • Повторете ја вежбата 7 до 12 пати со секоја нога во три серии и потоа одморете.

 

 

2.вежба

 

 

  • Легнете на грб, со собрани и испружени нозе, грбот мора да биде рамен.
  • Рацете подигнете ги рамно над главата и спојте ги дланките.
  • Истовремено подигнете ги рамењата и нозете до висина која можете да ја издржите, додека рацете остануваат испружени покрај главата.
  •  Долниот дел од грбот (лумбалниот дел) е се уште сосема рамен и потпрен на подлогата.
  • Задржете ја положбата 10 секунди, па вратете се во почетната положба.
  • Повторете ја вежбата 7 до 10 пати, па одморете.

 

 

3.вежба

 

  • Легнете на грб, подигнете го трупот и потпрете се на подлактите.
  • Кренете ги нозете, толку колку да ги одделите од подот, па едно по едно натколено кревајте го наизменично до градите, како да возите велосипед (ножните прсти се испружени).
  • Повторете ја вежбата 7 до 12 пати со секоја нога во три серии.
  • Ако не сте почетник, наместо да се налактите, свиткајте ги рацете во лактот и ставете ги дланките покрај лицето.
  • Подигнете ги трупот и нозете, така што телото да биде поставено под агол од 45 степени.
  • Левото колено привлечете го кон трупот, па допрете со десниот лакт. Повторете го истото со другата нога (наизменично).

 

Вљубеничка во здравата исхрана и науката, сака да чита литература од разни жанрови и обожава медицина