HIIT тренинг и скокање со јаже

Ако сте на диета, односно внимавате на исхраната, било кој тренинг ќе ви помогне да ослабнете. Тренингот може да го базирате на кардио вежби или на вежби за сила. И на двата начини можете да остварите голема калориска потрошувачка и така да го забрзате и олесните губењето на вишокот на килограми.

Меѓутоа, колку подолго изведувате одреден тренинг, вашиот организам станува се поефикасен, па користа од тој тренинг е се помала. Имено, нашето тело со тек на време се навикнува на одреден тип на тренинг, но и на вежбите кои постојано ги правиме, па така и калориската потрошувачка станува помала. Ако сакате да потрошите што повеќе калории, ќе мора да ги менувате вежбите и активностите, односно типот на трнинг. Секако дека џогирањето може да помогне при слабеењето, но ако телото веќе се има навикнато на оваа активност, потрошувачката на калории ќе биде помала, бидејќи ќе биде потребна помалку енергија за самата изведба, а на лесното и умерено џогирање телото зналително брзо и ќе се навикне.

Една од попознатите и поефикасни методи-вежби на денешницата е т.н. ХИИТ метод. Стручњаците се согласуваат дека ХИИТ тренингот со вежби за сила (може да се комбинира и некоја кардио активност покрај него) е еден од најефикасните тренинзи за слабеење, бидејќи на него тешко може доволно да се прилагодиме за да не биде ефикасен. Покај потрошувачка на калории, за време на овој тренинг, методот ХИИТ ќе го натера организмот уште долго време по тренингот да согорува калории во фаза на мирување. Тоа се случува поради т.н. ,,долго вдишување,,, кој претставува зголемен прилив на кислород во фазата на мирување по тренингот поради разните процеси кои се одвиваат како дел од закрепнувањето и адаптацијата на тренингот.

Методот ХИИТл бара изведување вежби и кардио активности со голем интензитет во куси интервали, со куси паузи меѓу нив. Нуди безброј можности, бидејќи речиси исти вежби и активности можат да се комбинираат во таков тренинг. Најчесто интервалите на високо интензивното вежбање траат од 10 до 30 секунди, со пауза од 10 до 60 секунди меѓу интервалите и 2 до 5 минути меѓу круговите ако ги има повеќе. Паузата може да биде пасивна – целосен одмор, или активна, така што некоја активност се изведува со лесен интензитет. Исто така, една од предностите е и тоа што тренингот може да трае само 20 минути, а калориската потрошувачка може да биде и поголема во споредба со далеку подолготрајни вежбања.

Покрај методот ХИИТ, следна добра кардио вежба е старото добро прескокнување на јаже. Освен што дава завидни резултати, ќе се чувствувате и подобро, ќе бидете посреќни и ќе имате повеќе енергија. Еве кои се се другите предности од овој вид вежбање.

Согорува многу калории

Прескокнувањето на јаже е вежба за целото тело. Тоа значи дека телото треба да потроши многу енергија за да биде во состојба да ја изведе оваа вежба. Со него се трошат повеќе калории отколку со трчањето. Со прескокнување на јаже 15 минути се трошат 25 калории.

Ги јакне коските

Истражувањата докажале дека скокањето на јаже е најдобро за јакнење на коските и за превенција од болестите на коскениот систем

Го подобрува здравјето на кардиоваскуларниот систем

За разлика од веќжбите за сила, прескокнувањето на јаже ќе го подобри здравјето на кардиоваскуларниот систем. Доволно е секој ден да се прескокнува јаже до 20 минути за да се подобри здравјето на срцето и на респираторниот систем.

Го зголемува процентот на мускулното ткиво

Прескокнувањето на јаже може да го зголеми процентот на мускулно ткиво, бидејќи за сето време се користи сопствената тежина како отпор. Пресокнувањето на јаже е посебно добро за јакнење на мускулите на нозете.

Го поправа расположението

Оваа вежба е забавна и може да го поправи расположението кај секого.