Тестирајте се дали сте фит
Одговорете искрено на овие прашања и проверете дали сте во форма:
1) Колку брзо можете да станете од кревет?
2) Колку време ви е потребно за закрепнување?
3) Дали можете да истрчате еден километар?
4) Дали можете да ги дофатите прстите на нозете?
5) Каква ви е концентрацијата?
6) Дали имате проблем да заспиете?
Одговори:
-
Да се биде во форма значи да издржите поголем напор од вообичаениот, а притоа да не останете без здив. Редовното вежбање ќе го подобри капацитетот на вашите бели дробови, а полза ќе има и срцето, како и целокупниот оганизам. Ако можете да ги завршите сите дневни обврски и потоа да одите на тренинг без да имате чувство како да сте останале без здив, тогаш сте во добра форма.
-
Иако многумина сметаат дека е поважно колкави тешки вежби правите, всушност е поважно колку време му е потребно на вашиот организам за да закрепне од напорот. Ако сте фит, вашето срце побрзо ќе закрепне.
-
Трчањето е голем испит за вашиот кардиоваскуларен систем. Во суштина, трчањето е мерка колку е ефикасно срцето и колку белите дробови се во можност да го користат кислородот. Измерете колку време ви е потребно за да истрчате еден километар. Ако успеете да истрчате еден километар за помалку од 10 минути, во форма сте.
-
Ако не можете да ги дофатите прстите на нозете стоејќи, без да ги свиткате колената, тогаш не сте во најдобра форма. Флексибилноста е важен дел од фитнесот и има врска со состојбата на нашите мускули. Вежбањето ја продолжува задната ложа.
-
Ако имате проблем со концентрацијата и не можете да запомните се што ви треба на работното место, време е да тргнете во теретана. Редовната физичка активност ја потпомага меморијата и нашата способност да учиме нови работи и го зголемува производството на клетки во хипоталамусот, кој е одговорн за помнењето и учењето.
- Ако не можете да заспиете, дури ни по неколку часа одмор, веројатно не сте доволно активни. Истото важи и доколку се будите неколку пати во текот на ноќта. Нивото на хормонот за спиење, мелатонин, се одржува со редовно вежбање.


