Густа супа од костени и леблебија

Состојки:

• 500 гр. костени
• 300 гр. леблебија
• 1 главица кромид
• 2-3 чешниња лук
• свеж магдонос и темјан
• 300 гр. печурки по желба
• маслиново масло
• по желба сол, црн пипер и павлака од соја

Подготовка:

За почеток, сварете ги костените. На маслото пропржете ги кромидот и лукот, па додадете им ги печурките. Пржете се додека не омекнат. Кога ќе омекнат додадете ги леблебиите и зачинете по желба. Сето тоа пржете го уште малку, па додадете им ги сварените костени. Тргнете го тенџерето од оган и се заедно иситнете го во блендер. Миксајте додека не добиете кремаста супа. На крај, уште малку вратете ја содржината на оган. Послужете ја супата со свежи зачини.