8 суперкомбинации за поединечни оброци со цел пoдигнување на енергијата и имунитетот

Секој знае колку е важна здравата исхрана-правилно комбинирање на протеини и јагленхидрати, растителни влакна,  извори на витамини и минерали – зеленчук и овошје, изгледот на пирамидата на правилна исхрана, време од денот кога ќе ја јадете таа храна… Честопати е тешко во денешно време да се задржи ритамот на правилната и здрава исхрана, односно да се применува соодветна исхрана во текот на работното време, особено ако работниот ден трае до вечерните часови,  а  нема  ресторан за макробиотска или  вегетаријанската исхрана во близина, па така речиси и да немате шанса да јадате нешто поздраво од еден сендвич со кафеав леб или похованини тиквички, пржени во отстоени масла.

Ако здравата исхрана ви е важна, веројатно го подготвувате вашиот оброк дома, а можеби и главниот оброк во денот вие е вечерата. Во секој случај, постои начин да се направат вообичаените јадења поинтересни, и пред се поздрави. Добро знаеме дека во природните извори, некои од витамините и минералите се наоѓаат во групи;  веројатно и  самата природа тоа така го модифицирала за да бидеме во можност да ги искористиме оптимално хранливите материи кои ги добиваме. Ние се потпревме токму на овој модел, па затоа ви ги препорачуваме следниве комбинации на храна кои ќе го направат најдоброто за вашето здравје.

1. Јајца со ѓумбир

Наместо зачините кои досега сте ги  користеле за време на подготовката на јајца, овој пат можете да ги послужите со ѓумбир. Печени или варени, јајцата се одличен извор на енергија и протеини, а според истражувањата, ѓумбирот помага во тоа варењето да биде побрзо и поефикасно. На овој начин, протеините и хранливите материи од јајцата побрзо ќе доспеат до вашето тело.

2. Сладок компир со сирење

Секој што е запознаен со слаткиот компир сигурно ја знае неговата вредност.  Освен што помага во превенција од болести на кардиоваскуларниот и нервниот систем, слаткиот компир е богата со бета-каротен и лутеин и помага во превенцијата на карцином.

Масните киселини од сирењето во комбинација со бета-каротенот и лутеинот  им помогаат на клетките да се развиваат здраво и да бидат имуни на потенцијални малигни заболувања. Покрај тоа, слаткиот компир има низок гликемиски индекс, што значи дека по неговото внесување нема ненадејни осцилации на шеќерот во крвта, последователно нема флуктуации на нивото на енергија, па затоа цел ден ќе бидете силни и ефективни.

3. Туна со лимон

Омега 3 масните киселини го спречуваат стареењето на нервните клетки и мозокот и го зајакнуваат срцето и крвните садови, борејќи се против холестеролот.

Црвеното месо од туната, покрај наведените Омега 3 масни киселини, содржи и големи количини на железо, така што нема да биде на одмет, без оглед на тоа дали јадете туна во  конзерва или парчиња туна, да исцедите сок од лимон, кој е богат со витамин Ц и исто така да додадете  магдонос, кој содржи железо . Железо + Витамин Ц = совршенство.

 4. Леб и путер од кикирики

Леб од цели зрна, особено пченица, и путерот од кикирики, заедно нудат коктел од масни киселини, кои го помагаат создавањето на протеини, кои пак го помагаат зачувувањето и растот на вашите мускули. Ова е оброк без животински масти, но затоа пак е богат со протеини.

5. Салата и зелен чај

Кинеската и јапонската кујна освен различни егзотични комбинации, нудат топли пијалаци во комбинација со ладна храна, кои едни со други го прават вашето варење побрзо, а преку греење и ладење на телото се зголемува потрошувачката на калории.  Освен тоа, зелениот чај, според истражувањата, ја зголемува потрошувачката на калории за 4%. Салатата, поради нискиот удел на јаглехидрати, го намалува претворањето на вишокот на енергија и собирањето на масти во текот на ноќта, така што овој оброк нуди повеќе предности.

6. Урда со јаболко

Урдата, освен големи количини на протеини, содржи и есенцијални масни киселини, неопходни за функционирање на мозокот и кардиоваскуларниот систем. Витамините од јаболкото се енергија за вашиот ум, па затоа, оваа комбинација може да биде најдобра кога сметате дека почнува пополека да ве напушта  концентрацијата, а пред вас има многу работа.

7. Бар од житарици и банана

Еве уште една инстант храна за мозокот, која не спаѓа во брза храна. Житниот бар обично е лесно достапен, па затоа е одличен извор на магнезиум и витамин Б6, кои ви се потребни кога трошите повеќе, било заради зголемениот стрес на работа или во текот на самата работа. Бананата, освен што помага во апсорпцијата на витамин Б6 и магнезиум, брзо го зголемува нивото на шеќер во крвта, па затоа се препорачува кога сте под зголемен стрес или поголема и долготрајна физичка активност.

8. Колачиња од овесни снегулки и хумус

Колачињата од овесни снегулки се извор на енергија и растителни влакна кои го подобруваат варењето на храната, со што се забрзува метаболизмот. Хумусот е добар извор на протеини и есенцијални масти. Ова закуска ќе го продолжи вашиот работен учинок, без разлика дали сте на работа или вежбате, а воедно ќе го нахрани мозокот и ќе можете подобро да се концентрирате на задачите кои ве чекаат во текот на денот.