Запознајте ја Марина Милановска-фитнес модел и тренер

Колку време се занимавате со фитнесот?

Моето добро искористено време со занимавање околу фитнесот трае 5 години. Во рок од овие 5 години мојот тренинг се состои од комбинација каде што првите две години вежбав во надворешни услови таканаречен street workout каде што мојата честа локација за вежбање ми беше на кеј или јас како што сакам да си ја викам понекогаш “мојот храм”. Во следните 3 години се префрлив во теретана поради тоа што сакав да напредувам бидејќи имав чувство дека street workout не ми ги исполнуваше условите за вежбање но сепак од време на време си вежбам и на кеј без разлика што мојот фокус е во теретана.

Што е тоа што ве мотивира?

Мојата мотивација од кога почнав со вежбање ми беше поради тоа што сакав да се предизвикам себе си зошто сакав да напредувам, но со секој напредок доаѓам до заклучок дека со секое вежбање се чувствувам посигурна во себе, прекрасно и исполнето со позитивна енергија.

Која е вашата најомилена вежба?

Мојата најомилена вежба е таканаречената deadlift(мртво дигање) вежба каде што претпоставувам дека повеќето ја знаат, но оние кои не ја знаат таа  ја зголемува целокупната сила на телото и добивањето на мускулна маса.

Како изгледа еден ваш тренинг?

Тренингот ми започнува со вежби за загревање какви што се најразлични склекови и трака за трчање, а потоа започнувам со главниот тренинг. Дури тренирам редовно носам ракавици за носење, патики само за вежбање, шише со вода и облека во која се чувствувам удобно и неограничено.

Најомилен рецепт или јадење кој редовно го приготвувате?

Секој ден ми започнува со цеден сок кој што се состои од цвекло, морков и јаболко и плус  други додатоци по личен избор, кој што е многу енергичен за во текот на денот каде што јас сакам да го приготвувам. Понекогаш моето момче знае да ме изненади со тоа што ќе ми донесе смути кое се состои од банана, јаболко, круша, ананас и киви.

Совет за оние што сакаат да имаат убаво тело.

Мој личен совет би бил: посветеност кон тренинзите, редовни оброци, конзумирање многу вода и пред се имајте желба и волја за вежбање и дисциплина.