Степер вежби за јакнење на кардиоваскуларната и мускулната издржливост

Нека не ве залажува оваа едноставна опрема – степерот е одличен за интензивен тренинг и многу често се користи за градење на долниот дел од телото (секако, вклучувајќи го и задникот). Покрај тоа, со вежбањето на него истовремено покрај долниот, се вежба и горниот дел од телото, што исто така ги подобрува агилноста и координацијата. Степерот го држи телото постојано  будно, спречува здодевност и е супер ефикасен за целокупното кардиоваскуларно здравје.

Изведувајте ги следниве вежби во круг за да почувствувате горење и да постигнете предизвикувачки тренинг.

Страничен скок

Застанете од едната страна на степерот. Едната нога поставете на него, а другата на подот и истегната во страна. Скокајте нагоре и преку на другата страна од степерот. Вашата спротивна нога треба да застане на степерот, а стартната нога на подот од вашата страна. Повторете го ова движење на двете страни.

Скок на степер со чучнување

Започнете така што ќе застанете на степерот, држејќи по еден тег во секоја рака. Скокнете на степерот и при враќање долу чучнете. Како што телото ќе ви оди надолу во чучната положба, подигнете ги двете раце пред себе во истото време. Истапете од степерот и повторете го ова движење.

Закосен склек со обратно подигната нога

Застанете во положба за склек, така што двете раце да ви бидат врз степерот, а нозете на подот. Како што ќе го носите телото кон надолу за да направите склек, така во исто време позади кренете ја едната нога. Продолжете да правите склекови, а притоа кревајте ги наизменично едната, па другата нога.

Подигнување со бицепс

Едната нога ставете ја на степерот, а во рацете држете по еден тег. Како што ќе стапнувате на степерот, извиткувајте го бицепсот со тоа што ќе ја кревате секоја рака држејќи го цврсто тегот и ќе го стискате бицепсот. Слезете од степерот и повторете го истото движење со другата нога.