Започнете го тренингот со посложените вежби

Каков е вашиот редослед на вежби додека вежбате во теретана? Ние сакаме да ви покажеме зошто би било подобро да се одлучите за опцијата први да ги правите тешките и интензивни вежби, а потоа да преминете на оние кои бараат помалку напор. Кога велиме “комплексни вежби”, мислиме на оние кои бараат да се користи вратило, бенч клупа, чучњеви, мртво дигање и слично. Ви прикажуваме три добри причини зошто баш нив да ги правите на почетокот од вежбањето.

1. Имате повеќе енергија

На самиот почеток после лесното загревање, вашите мускули се полни со доволно количество на гликоген ( енергија за вашето тело) , вашите мускули се свежи и кардиоваскуларниот капацитет е највисок. Подготвени за дигање тегови и сета оваа енергија можете да ја користите за најважните вежби со кои постигнувате најдобри резултати . Во првите два серии, со малку потешки вежби , секако треба особено да внимавате да не дојде до евентуални повреди.

2. Подобро сте фокусирани

За време на вежбањето, фокусот е многу важен, и тоа не само што помага да постигнете најдобри резултати, туку ги намалува и шансите за повреди. Додека кревате големи тегови или завршувате со тешки вежби, мора да бидете исклучително многу фокусирани . После напорниот ден на работа и кога најразлични мисли ви минуваат низ главата, и тогаш кога сте при крајот со вежбањето, ќе ви биде тешко да останете фокусирани , но постои и можност и воопшто да не ги направите посложените вежби со поголем интензитет .

3. Вистинска предност имате на почетокот на треингот

Сигурно многу пати досега ви се случило да пристигнете во фитнес салата половина час пред да се затвори, или пак едноставно немате доволно време да го направите целокупниот тренинг. Кога ќе се одлучите прво да ги направите посложените и потешки вежби , добивате 80 % предност во првите 10-20 минути од вежбањето . Подоцна во текот на тренингот, може да се фокусирате на помошните вежби кои обично се изведуваат со еднорачните тегови или на различните справи.

За овој пристап најважното нешто е да се загреете , прво направете ги кардио вежбите со помал интензитет со динамично истегнување, а како второ правете вежби за загревање кои самите ќе ги одберете.

На пример, ако правите чучњеви, на почетокот на оваа вежба треба да направите најмалку 1-2 серии вежби за загревање со максимален напор од 50 % до 70 % од она што можете да го направите за 10 повторувања. Ако вашето тело е подготвено , тогаш можете да се фокусирате на вежбите за максимален интензитет .

Поставувањето на тешките вежби на почетокот на тренингот звучи многу едноставно, но всушност тоа е многу тешко и напорно. Едно е сигурно, ако се придржувате до овие совети, несомнено, ќе добиете многу добри резултати.