Најпотценети вежби во бодибилдинг и фитнес

Сигурно имате некој свој арсенал на вежби и потези кои ги ротирате во текот на вежбањето, за кои знаете дека мора да ги правите ако сакате да постигнете резултати: бенч прес, чучнувања, мртво подигање, пропаѓање… Но, постојат и вежби за кои сигурно имате слушнато, но кои не ги вклучувате во својата рутина поради тоа што ви се непријатни, не ви се привлечни и немаат некои импресивни потези, или се едноставно варијации на тема која не можете да ја усовршите. Денес е денот кога треба да излезете од својата зона на комфорот и да му зададете несекојдневна задача на своето тело.

Еве кои се овие вежби.

1. Пуловер – кревање тег над главата

Зошто треба да се прави оваа вежба: таа некогаш била дел од тренингот на секој бодибилдер од старата школа, вклучувајќи го и Арнолд Шварценегер – и тоа е една од јасните причини за неа – едноставно, ефикасна е. Отприлика, оваа вежба делува на горниот дел на телото, она што чучнувањата го прават за долниот дел. Со оваа вежба се таргетираат поголем број мускули на торзото, како што се латералите, трицепсите, градните мускули, рамењата, горниот дел на грбот и т.н. Движењето со кое се прави оваа вежба е одлично, бидејќи може да се прави со различни тегови или на справи. Исто така, ќе ги почувствувате и стомачните мускули, кои за време на оваа вежба буквално ќе ,,работат прекувремено,,. За да се изведе правилно оваа вежба, мора да се спротивставите на свиткувањето на грбот, што доведува до активирање на бројни мускули.

Причината поради која многу момци не сакаат да ја прават оваа вежба е стравот. Во секој миг над лицето држат тег и многумина се плашат да не го повредат лицетп или рамењата, кои многу тешко минуваат.

2. Duck walk

Оваа вежба  може да донесе многу сила и издржливост на долниот дел од телото. Поради притисокот на зглобовите и колковите, ќе добиете поголема подвижност, која потоа овозможува подобро вежбање на чучнувањата, бидејќи ќе можете полесно да се свиткувате и правилно да станувате. Едноставно, оваа вежба ќе ви ги раздвижи колковите и сите мускули на тој дел од телото. Оваа вежба се препорачува за загревање, па можете да се прави 20 пати на една нога, во траење од 30-60 секунди.

3. Повлекување со исправени раце

Вежбањето на справа со повлекување тегови е идеална за таргетирање на латералите, бидејќи тензијата која се создава притоа е константна за време на целиот потез. Ако правите вежби со тегови, ќе направите само половина од потезот. Исто така, оваа вежба е неверојатно ефикасна и ќе ви донесе тонирани мускули, додека во исто време го зголемува грбот.

4. Мртво подигање на една нога

Овој потез е потценет, бидејќи за многумина не делува доволно предизвикувачки. Иако нема да паднете од исцрпеност по оваа вежба, таа е одлична за исправање на неурамнотеженоста со фокусирање прво на едната, а потоа и на другата нога. Со традиционалните чучнувања, едната нога ви е секогаш посилна од другата, иако тоа можеби нема ни да го забележите. Исто така, тренерите велат дека оваа вежба е клучна за функционален тренинг без повреди.

5. Military Press

Многу момци оваа вежба ја претвораат во push press, користејќи ја силата од долниот дел од телото. Но, ако се користи во својот вистински облик, таа може да ви ја зголеми силата, додека во исто време го зголемува распонот на движењата, кои ви се потребни за теретаната и во секојдневниот живот.

6. Чучнување со тегови

Чучнувањата се здодевна вежба. Но, ако правите чучнувања со тегови, ќе постигнете врвни резултати. Ако правилно ја направите серијата, секако по неизбежното загревање, ќе имате посилна тензија на сите мускули, а тоа ќе ви помогне за да изградите подобра маса.