За што се е добар сокот од дуња?

Дуњата се употребува и за лекување на слузокожата на грлото, крајниците, дишните патишта и за ублажување на обилни менструации. Чајот од семки од дуња лекува несоница, ублажува напнатост и остранува непријатен здив, додека слузта од семките лекуваат изгореници и рани. Чајот од листовите од дуња е одличен природен лек за спречување на пролив.

Сируп за бронхитис

Народниот лек против кашлица и воспаление на дишните органи може да се подготви многу едноставно и од само неколку семки.
Подготовка: Издробете пет семки од дуња и прелијте ги со 100 мл. вода. Кога ќе се направи густа слузава маса, додајте 15 грама свеж сок од трипутец и 100 грама мед. Земајте по една лажичка три пати на ден пред јадење.

Сок за желудник

Тегобите со варење може да се елиминираат со сок од дуња.
Подготовка: Измијте и изрендајте еден килограм дуњи, па процдете ги низ газа. Сокот испијте го веднаш, бидејќи веднаш оксидира. Најдобро е да го пиете пред јадење.

Мелем за изгореници

Мелемот од семки од дуња може да биде од помош при лекување лесни изгореници и рани.
Подготовка: Издробете 10 грама семки од дуња, прелијте ги со 200 милилитри вода и почекајте да се создаде слузава маса. Нанесете ја на заболениот дел од телото, директно или како облог.

Препарат против брчки и испукани усни

Подготовка на лосион од семки: Ситно се сецка 1 лажичка семки, а потоа иситнете ги и прелијте ги со две лажици врела вода. Добро измешајте ги и оставете ги да отстојат 10 минути. Со овој препарат мачкајте ги испуканите усни и местата на лицето каде има изразени брчки.

Подготовка на лосион од корен од дуња: 200 грама кора од дуњи се држат две недели во три децилитри посилна ракија, по можност комовица. Потоа ракијата се процедува, се става во Три шишенца и се затвора херметички. Со подготвениот лосион се мачкаат деловите од лицето со брчки два пати дневно.