Ако во рок од триесет до шеесет минути по будењето направите кардио тренинг, ќе можете да постигнете повеќе во текот на денот, ќе можете да мислите подобро, вежбите ќе ви го подобрат расположението, ќе ги ослободат ендорфините и ќе ви дадат цела низа други физиолошки, емоционални и психолошки погодности.

Зошто би требале да вежбате рано?

Тоа е одлична можност да го унапредите својот ден. Никој нема да ве попречува, а ќе бидете неколку часа пред останатите. Раниот утрински тренинг ја зголемува хормонската активност и ви го става метаболизмот во петта брзина. Комбинацијата од соодветна храна и вежби ќе го забрзаат метаболизмот, со постојано согорување на мастите.

Вежбите ја зголемуваат будноста и помагаат подобро да спиете навечер

Истражувањата покажале дека дури и малку вежбање, како што е дваесетминутно одење, дава огромни здравствени бенефити. Тоа не треба да биде најтешкиот трениг во вашиот живот. Можете да си го олесните денот со лесни вежби. Студиите исто така покажале дека децата кои вежбаат пред да тргнат на училиште покажуваат докажан напредок во своите оценки.

Започнете со лесни тренинзи, а потоа засилувајте го интензитетот. За време на вашиот тренинг, размислете за своите цели за тој ден. Ова е одлично време да мирисате цвеќе и малку да медитирате. Во текот на овој период, исто така е важно правилно да дишете. Вдишете длабоко на нос, наполнете ги белите дробови со воздух. Задржете го воздухот 5 секунди. Сега, дозволете здивот полека да ви го напушти телото. Размислувајте за ширењето и собирањето на дијафрагмата, како да е хармоника, со секој направен внатрешен и надворешен здив.

 

Што кога утринскиот фокус ви е на кардио вежби?

Можеби вашиот фокус е насочен кон губење на мастите или едноставно на подобрување на кардиоваскуларната кондиција. Концептот на тренинг на празен стомак се има здобиено со голема популарност во последниве неколку години. Генерална идеја е дека со вежбање на празен стомак најдобро се согоруваат натрупаните масти.

Едноставен тренинг дома
Вежба 1

utrinska11

 

Раширете ги нозете широко, прстите поставете ги кон напред. Спуштете се кон долу, во најниска можна позиција. Колената не треба да поминуваат преку прстите. Исправете ја главата, стиснете ги колковите и вратете се во стоечка положба. Издишете додека се исправате.

Вежба 2

 

utrinska21

 

Поставете се покрај ѕид, така што со рамењата ќе го допирате. Нозете треба да ви се свиткани под агол од 90 степени. Петите цврсто поставете ги на подот. Обидете се да останете во таа положба 30 секунди, ако сте почетник. Оваа вежба е совршена за нозете и бутовите.

Вежба 3

 

 

utrinska31

 

Заземете положба на штица”. Легнете на под, подигнете го телото и малку свиткајте ги лактите за да го засилите притисокот на надворешниот дел на градите. Останете во оваа положба 30 секунди. Отклонете се и потурнете кон својата задна страна. Држете го телото затегнато.

Вежба 4

 

utrinska41

 

Исчекорете со едната нога, а грбот држете го исправено. Спуштете се директно долу со другото колено, веднаш над тлото. Фокусирајте се на чувството на тежина во предните квадрицепси. Држете ја предната нога под агол од 90 степени.

Вежба 5

 

utrinska51

 

Заземете push up положба со задникот поставен високо во воздухот. Исправете ги лактите, спуштајте се кон долу, така што главата да ви се најде помеѓу рацете. Не кривете го грбот. Потоа заземете ,,кобра,, положба, со главата насочена кон нагоре. Спуштете се долу наназад, по истиот пат вратете се во почетната положба. Лактите држете ги цврсто за време на движењето.

Вљубеничка во здравата исхрана и науката, сака да чита литература од разни жанрови и обожава медицина