Вежбањето и дијабетесот

Вежбањето е важен дел од здравиот начин на живот. Но, ако имате дијабетес тип 2, вежбањето е и тоа како добредојдено. Вежбањето ќе согори дел од прекумерниот шеќер кој се наоѓа во крвотокот, со цел да се обезбеди гориво за мускулите. Во основа, тоа е едноставен и природен начин на намалување на нивото на шеќер во крвта, наведува доктор Мишел Олсон, психолог и професор по спортски науки на колеџот Хантингтон во Алабама, САД.

За среќа, не мора да истрчате маратон или да го препливате Ла Манш за да ги искористите бенефитите од на вежбањето – само некои мали промени ќе направат многу кога се работи за спречување на долгорочните компликации поврзани со дијабетесот. Ова се само неколкуте совети за тоа како да започнете (и да го засакате) со вежбањето.

Проверете го шеќерот во крвта

Мора да размислувате за нивоата на шеќер во крвта пред и по вежбањето. Ако нивото на шеќер во крвта е ниско пред започнување со вежбање, земете 15 грама јагленохидрати со брзо делување (како јаболки, леб или гранола плочки) и почекајте 15 минути пред повторна проверка. Ако сте го подигнале нивото на шќер во крвта, тогаш можете слободно да вежбате, а ако не, продолжете да го следите правилото 15/15 (15 грама јагленохидрати и пауза од 15 минути) додека да бидете во оптимален распон. Ако нивото на шеќер во крвта е превисоко пред вежбањето, планирајте оброк богат со протеини отприлика еден час пред започнување со вежбањето.

Послушајте го своето тело

Ако земате лекови за намалување на нивото на гликоза во крвта и за време на вежбањето почувствувате замор и слабост, можно е шеќерот во крвта да е пренизок. За да бидете сигурни, земете пауза и измерете го нивото на шеќер во крвта. Изборот на јагленохидрати со брзо делување е спортки пијалок, 100% овошен сок или пет – шест крекери – ќе ви помогнат да закрепнете.

Обновете ги залихите

Она што го јадете по тренингот може да биде еден од најважните оброци кои ги консумирате во текот на целиот ден. Обновувањето на енергетските залихи по тренинг е важно со цел да се спречи намалувањето на нивото на шеќер во крвта. Тоа е и време за да ги надополните исцрпените залихи на гликоген во мускулите, па затоа обидете се половина час по вежбањето да изедете 15-30 грама јагленохидрати.

Помалку седење, повеќе движење

Ако мислите дека сте завршиле за тој ден затоа што сте го направиле тренингот, немојте да си залегнувате и остатокот од денот да го поминете пред телевизорот. Дури ни вежбањето не може да ја острани штетата која ја предизвикува предолгото седење без земањето пауза, предупредува истражувањето објавено во списанието National Cancer Institute. Студијата ја има спроведено универзитето Лечестер, а покажала дека намалувањето на времето на седење за 90 минути секој ден може да резултира со видливи здравствени предности кај оние кои боледуваат од дијабетес. Обидете се да станувате на секој час и да се движите најмалку 10 минути.

Чекор по чекор

Наместо да направите еден долг тренинг, размислете за вежбањето за време на целиот ден. Една канадска студија покажала дека учесниците кои вежбале 10 минути три пати дневно со висок интензитет имале поголемо намалување на шеќерот во крвта во период од три месеци, во споредба со оние кои подолго вежбале, но со намален интензитет.