Теговите спречуваат дијабетес
Полчасовното вежбање со тегови пет дена во неделата го намалува ризикот од појавата на дијабетес кај мажите за дури 34%. наспроти тоа, едночасовниот полесен тренинг ја намалува опасноста од оваа болест за само 12%. Меѓутоа, најдобар ефект се постигнува со комбинирањето на аеробни и вежби со оптоварување, покажало повеќегодишното истражување објавено на Универзитетот во Копенхаген и на Харвард, бидејќи тие ја намалиле појавата од дијабетес за дури 59%!
Резултатите покажуваат дека вежбањето со тегови може да придонесе за подобрување на состојбата и да ги спречи заболувањата кај мажите, што е од посебна важност за оние кои не се во состојба да се занимаваат со аеробни вежби поради тоа што се повредени или имаат некои други отежителни околности – објасни доктор Андрес Гронтвед, главен стручњак на обединетите истражувачки тимови.


