Што е пилоксинг?

Пилоксинг е нов вид на вежбање кој спојува на изглед две неспоиви физички активности – пилатес и бокс, а многумина предвидуваат дека според популарноста ќе ја надмине зумбата.

Ако барате вежба која бара многу енергија, која ќе ви помогне да го подигнете расположенето и која ќе ви даде нов, секси изглед, тогаш пилоксингот се сигурно за вас. За овој вид на вежбање одговори дава Вивека Џенсен, тренер по пилоксинг и поранешна танчерка, чии клиенти се познати личности од светот на музиката, модата и филмот.

Што е тоа пилоксинг?

Пилоксинг (Piloxing) е начин на вежбање осмислен вогласно за жените, кој на возбудлив и забавен начин сакаат да ги согорат калориите, да ја зајакнат сржта на телото, да развијат вретенести мускули и на крај на краиштата да се чувствуваат моќно. Овој начин на вежбање на некој начин ги спојува боксот пилатесот и танцот, создавајќи високоенергетска, многу интензивна вежба, која ќе согори најголем можен број на калории во што покус рок.

Зошто треба да се проба?

Овој начин на вежбање не само што согорува калории и ја поправа општата здравствена состојба и кондиција кај жените, туку и гради сосема нова самодоверба и прави да се чувствуваат силно и добро во сопствената кожа. Програмата е осмислена така што да влијае како на физичкото, така и на менталното здравје.

Пилоксинг движења

Ако сакате овој начин на вежбање да го испробате дома сами, тогаш обидете се со некој од овие движења.

Движења за јакнење и топење на масните наслаги од критичните места

Застанете во стартна позиција – во гард, со собрани дланки веднаш покрај јагодичната коска, стапалата се раширени, а колната се свиткани. Лесно вртете го колкот кон навнатре и испраќате удар со левата рака кон десната страна, а десната пета ја кревате од подот (прстите остануваат на подот).

Вратете се во стартна позиција и повторете со другата рака. Повторете 32 пати со двете раце.

Движење за затегнување на раката и задникот

Застанете исправено со малку свиткани колена, затегнете ги мускулите на рацете и испружете ги пред себе во висина на рамењата. Подигнете ја левата нога кон напред, затегнете го стапалото, така што ногата да биде под агол од 45 степени.

Потоа полека движете ја раката како да кревате тегови, а ногата кревајте ја додека не направите да ви формира од 90 степени и враќајте се полека под агол од 45 степени. Ногата никако не ја спуштајте на под. Направете по 16 повторувања со секоја нога.

Движење за затегнување на надворешниот дел на бутот и задникот

Ставете ја десната подлактица на под, веднаш под рамењата, а раката свиткајте ја под агол од 90 степени. Свиткајте го десното колено и спуштете се на под.

Левата нога подигнете ја високо во страна, па направете мал круг со ногата кон напред, па кон назад. Со левата рака потпирајте се на подот само со врвовите од прстите. Направете по 16 кругови кон напрд и 16 кругови кон назад со секоја нога.

Погледнете го видеото за да видите како изгледа еден тренинг на пилоксинг.