Салата од црвен грав и квиноа

Состојки:

• 170 гр. црвен грав од конзерва
• 280 мл. зеленчукова супа
• 1 главица виолетов кромид
• 3 лажици вински оцет
• 1 лимета
• 1 лажица сецкан магдонос
• сол и црн пипер
• 100 гр. квиноа
• 1 жолта пиперка
• 3 млади кромитчиња
• 2 лажици соја сос
• 1 лажица сос од чили пиперчиња
• екстра девствено маслиново масло

Подготовка:

Во врелата супа ја додаваме квиноата, промешуваме, поклопуваме и вариме на тивок оган 15-тина минути, а потоа ја тргаме супата од оган и оставаме да отстои 5 минути поклопено. За тоа време виолетовиот кромид и пиперката ги сецкаме заедно со младото кромитче, а сокот од лиметата го цедиме. Потоа сето ова се меша во подлабок сад заедно со квиноата и останатите сосови и зеленчуци. Се зачинува салатата со сол и црн пипер и со маслиново масло.