(Видео)Руско звоно (ketttlebell) за јакнење на телото и духот

Kettlebell (руско звоно) е реквизит изработен од лиено железо, кое наликува на топка со рачка. Можеме да го наречеме уште и ѕвончест тег. Во последно време се повеќе се популаризира нивното користење поради резултатите кои ги покажува нивата употреба. Се употребува во спортот како дел од кондиционата подготовка, но исто така и за оние рекреативци кои сакаат да си ги подобрат сопствената сила и изглед.

Тајната на оваа метална топка со рачка е во тоа што за време на нејзината употреба се вклучуваа мускулите на целото тело, а се зголемува издржливоста и силата. Пред да се одлучите да купите своја ..теретана во мало,,, прочитајте ги следниве корисни информации за начинот на вежбање, тежината на Kettlebell и др.

Колку е тежок kettlebell?

Неговата тежина изнесува шест или осум килограми за жени, а 12 или 14 килограми за мажи. Ако со тек на времето овој реквизит ви стане мноу лесен, почнете да правите потешки вежби. Денес постојат вежби кои се изведуваат со два kettlebell реквизити истовремено, но, секако, со помала тежина, иако вообичаено се практикува вежбање само со еден kettlebell.

Што треба да знаете пред да почнете со вежбање? Најважна работа пред да почнете да кревате звоното е тоа дека загревањето е задолжително! Тоа можете да го направите на најразлични начини: трчање во место, прескокнување јаже, истегнување на целото тело, па дури и танцување. Многу е важно вежбите да се изведуваат правилно, бидејќи било какви грешки можат да доведат до трајни последици. Значи, задолжително треба да се исправите за да не го оптоварите рбетот. Трудете се колку што можете да ги стегате абдоминалните мускули, како и задникот. Тренингот со ваквиот вид тегови е многу динамичен, бидејќи подразбира голем број повторувања и трае најкратко 30 минути. Со јакнење на мускулите, со вежбање се јакне и кардиоваскуларниот систем.

Kettlebell и здравјето – тренингот со руско звоно троши многу калории, па можно е во рок од еден час да се потрошат дури 1500 калории на час. Покрај тоа, ќе се чувствувате јаки. Оваа мала,, подвижна теретана,,, ќе ви го поправи држењето на телото и со редовна и здрава исхрана ќе успеете за кусо време да дојдете до посакуваните резултати.

Во продолжение погледнете неколку важни вежби за почетници. Ускладете го темпото кое ви одговара и секоја вежба повторете ја 14 пати при првиот сет, потоа направете пауза и направете уште еден сет со по 20 повторувања.

Swing – Оваа вежба се изведува така што со kettlebell – от ќе замавнете со рацете до висина на рамењата, а при враќање во првобитната положба ќе направете мало чучнување. Многу е важно при замавот звоното да го ,,исфрлите со стомачните мускули и бутовите.

Чучнувања – Кettlebell-от ставете го потпрен на градите и почнете да правите стандардни  чучнувања. Ако не сте сигурни дали ви е рбетот прав, вежбата правете ја со погледот свртен кон ѕидот.

Замавнување наоколу – исправете се и фатете го звоното со двете раце. Нозете раширете ги само толку колку за да бидат во рамнотежа. Почнете полека да го префрлате овој реквиизт од една во друга рака, кружејќи со него во правец на стрелките од часовникот, а потоа, по 14 повторувања , истото повторете го и со другата страна. Оваа вежба ќе ви помогне во тоа да научите да конторолирате толку голема тежина.