Програмата за тренинг и исхраната на една од најбараните холивудски звезди- Џесика Бил
Џесика Бил, 32-годишната американска актерка е една од најбараните ѕвезди на денешницата во Холивуд , а за таа титула може да и се заблагодари на комбинацијата на талент и добар изглед.
Од различни медиуми често е прогласувана за една од најубавите жени на денешницата што и не е изненадувачки со оглед на исклучителната убавина и софистицираност која ја красат, заедно со совршено извајаното тело кое редовно го гледаме на црвениот тепих.
Холивуд е преполн со убави жени, но она што е интересно кај Џесика е тоа што таа е една од оние кои му го свртеа грбот на трендот на преслабите, односно изгладнувањето – тренд кој со години е присутен во светот на ѕвездите, а оттука преку медиумите се проширува и во поширокото општество. Напротив, Џесика е зависник од интензивен тренинг и одличен пример за тоа како жените можат да изградат една убава мускулатура и сеуште да изгледаат женствено и прекрасно.
За да ја постигне оваа завидна линија, таа побарала помош од познатиот тренер на славните – Џејсон Волш, кој преку својот режим на тренинг и исхрана ја научил како да стане фит и да ја одржува постигнатата форма. Можеби преку читање на оваа статија ќе ја пронајдете вистинската формула и за себе.
Тренинг
Џесика е голем обожавател на кружните тренинзи поради тоа што на овој начин истовремено се работи на мускулната сила и издржливост, јогата како совршен начин на истегнување и одржување на флексибилноста, како и рекреативни спортови, како одмор од интензивниот тренинг во салата.
Во текот на целата година, а особено во текот на летото стаа обожува одбојка на песок со пријателите, долги прошетки со своите кучиња и џогирање, со што не само што ја разбива монотонијата на вообичаените тренинзи, туку, исто така, се релаксира од секојдневниот стресен начин на живот. Сето ова има за резултат еден активен и здрав начин на живот во кој ужива, како и резултатите што овој начин на живот и ги носи. Џесика не се плаши од интензивни тренинзи и затоа е исклучително посветена на сето она што го прави, сфаќајќи дека тоа е единствениот начин да се постигнат вистински и трајни резултати.
Џејсон Волш со својата позната програма за вежбање успеал на својата позната клиентка да и овозможи витка, но цврста и убаво изградена линија. Комбинацијата на основните вежби за сила, плиометриски вежби и кардио вежби очигледно била полн погодок. Една од најомилените вежби на Џесика е исчекорот во движење, кој го применува на почетокот на секој тренинг по загревањето, за дополнително да ги загрее и истегне мускулите на нозете и задникот.
Следат два примери за кружни тренинзи: Број на тренинзи во неделата: 3 (последниот ден се повторува првиот тренинг) Времетраење на тренингот: 25-30 мин (во зависност од интензитетот на вежбање)
Напомена: Во секој од трите различни круга целта е наведените три вежби да се изведат по три пати, една по друга, со минимален одмор помеѓу трите сета. Почетниците нема да бидат во можност да ги направат со тој интензитет, па затоа се препорачува да се започне со интензитет од 1 минута и постепено да се намалува времето потребно за одмор за да се зголеми мускулната издржливост, односно како што се подобрува кондиционата форма.
Откако сите вежби ќе ги поминете одредениот број пати, треба да се одморите една минута, па да преминете на следната комбинација на вежби.
Кружен тренинг 1
Загревање 10 минути (орбитрек, лента за трчање, лесно џогирање во место).
Исчекор во движење- 15-20 повторувања на секоја нога.
Круг 1 – 3x
Име на вежбата Број на повторувања
1. Чучњеви со скок 15 повторувања
2. Странична издржливост по 30 секунди на секоја страна
3. Склекови 20 повторувања
Круг 2 – 3x
Име на вежбата Број на повторувања
1. Чучњеви + потисок на рамо 15 повторувања
2. Вратило 10 повторувања
3. Веслање со тегови 15 повторувања
Круг 3 – 3x
Име на вежбата Број на повторувања
1. Страничен исчекор 10 повторувања секоја нога
2.Качување по клупа (степ ап) 10 повторувања секоја нога
3. Стомачни вежби со исправени нозе 15 повторувања
Кружен тренинг 2
Загревање 10 минути (орбитрек, лента за трчање, лесно џогирање во место).
Исчекор во движење- 25 повторувања на секоја нога.
Круг 1 – 3x
Име на вежбата Број на повторувања
1. Чучњеви со скок 15 повторувања
2. Twist press 10-12 повторувања
3. Седечки руски twist со топка- медицинка 15 повторувања
Круг 2 – 3x
Име на вежбата Број на повторувања
1. Маринци 15 повторувања
2. Исчекор со завртување (со топка медицинка) 10 повторувања со секоја нога
3. Издржај 30 секунди
Круг 3 – 3x
Име на вежбата Број на повторувања
1. Чучњеви со тегови 15 повторувања
2. Еднорачно веслање со тегови 10 повторувања со секоја рака
3. Подигнување на нозете на вратило 20 повторувања
План за исхрана
Без квалитетна исхрана се подразбира дека нема да има добри резултати од вежбањето, а Џесика тврди дека токму фактот што таа обрнува внимание на она што го јаде е клучен фактор за нејзината одлична форма. Најчесто таа сака храната да ја подготвува дома, воглавно
зеленчук и житарки. Кога јаде надвор, таа избира места каде што може да јаде здрави и органски намирници.
Менито на познатата актерка се состои претежно од бадеми, интегрален тост, овесни снегулки, риба, ориз, зеленчук и овошје, умерено количество на темна чоколада и ферментиран зеленчук, кој го смета за заслужен за нејзината убава кожа и правилно варење. По неколку недели на внимателно избалансирана исхрана, следи cheat day во неделата, во кој и е дозволено задоволување на сите желби, а и овозможува придржување кон здравиот режим во остатокот од неделата.
Пример за едно дневно мени:
Појадок: интегрален тост со омлет од белка од јајце и цимет
Утринска ужинка: протеински шејк со шумско овошје
Ручек: Сладок компир со туна
Попладневна ужинка: стапчиња од целер со хумус
Вечера: шпагети од зимски тиквички со ќофтиња (од пилешко или мисиркино месо
