Посна пита со јаболка

Состојки:

1 пакување готови кори за пита

Фил 1:

• 5 јаболки
• 1 лимон
• 200 гр. шеќер
• 2 ванилин шеќери

Фил 2:

• 200 гр. мелени ореви

• сафт од првиот фил

За прелив:

• една чаша вода

• 3 лажици шеќер

• прстофат цимет

• 150 гр. растопен маргарин

Подготовка:

Јаболките се лупат и се рендаат. Лимонот се цеди и со сокот се прелеваат јаболките. Им се додава шеќерот и ванилинот. Се се меша и се остава пет минути за да пушти сок.

Потоа се зема една кора и се ставаат по три лажици од смесата со јаболките, со што помалку сафт. Се виткаат во ролат прво, а потоа во облик на полжавче. На истиот начин се трошат сите кори, а во останатиот сафт се ставаат мелени ореви. Останатите кори се виткат во ролат со овој фил. Се убаво се реди во плех и се прелева одозгора со стопен маргарин.

Се пече во рерна на 200 степени целзиусови, а кога ќе се олади се прелева со студен, претходно сварен, поредок сируп. Се остава да се олади и да се впие сирупот.