Не е ни малку лесно да се биде славен, а одржувањето на линијата не е лесно дури и за оние дами кои не се постојано под рефлектори и изложени на острото око на јавноста. Меѓутоа, познатите дами знаат понекогаш да се придржуваат до многу строги правила и да бидат на ригорозни диети се со цел да ја одржат својата витка фигура. Погледнете некои од нив.

Адријана Лима

adrijana-lima

Најпознатиот ангел на Викторијас Сикрет, Адријана Лима, открила во една пригода дека девет дена пред својата најпозната годишна ревија живее само на течности, а 12 часа пред шоуто престанува да пие и вода, со цел да ја загуби тежината која ја добива од водата.

Мараја Кери

maraja-keri

Мараја Кери е позната по тоа што постојано и осцилира тежината. Со цел да го загуби вишокот килограми, пејачката се придржувала до диета која сама ја има измислено, а која се состои од риба и супа подготвени без шеќер, сол или зачини. Покрај тоа, знае да се придржува и до една необична диета, која вклучува јадење само на намирници со виолетова боја.

Меган Фокс

За својот секси изглед, актерката Меган Фокс и благодари на специјалната диета која се темели на јабоков оцет кој, според неа, и го прочистува организмот од отрови и и го зајакнува метаболизмот. Актерката изјавила дека единствениот начин за да остане витка е пред секој оброк да испие комбинација од јаболков оцет и вода.

Мадона

 

madona

 

Кралицата на попот, Мадона, својата витка фигура, на која можат да и позавидат многу помлади колешки, ја оддржува со помош на многу ригорозни начини на слабеење, а еден од нив е и т.н. ,,воздушна диета,,. Трикот со оваа диета е во тоа што секој подготвен оброк не се јаде, туку само се гледа и помирисува.

Џенифер Анистон

dzenifer-aniston

Многумина тврдат за неа дека има најдобро тело во светот. За нејзината витка линија заслужна е една и не баш здрава диета, која се темели на прескокнување на појадокот. Наместо првиот оброк, актерката има обичај да испие само сок од цеден портокал или лимон.

Риз Витерспун

 

ris-viterspun

 

Риз ја оддржува својата витка линија можеби со најнеобичната диета за која имаме слушнато досега. Таа, имено, консумира храна за бебиња наместо појадок и ручек, а само навечер јаде еден нормален оброк – за возрасни!

Лејди Гага

Ексцентричната пејачка открила исто така ексцентрична диета т.н. ,,пијана диета,,. Оваа диета ја има измислено и за неа пишува во својата книга нејзиното поранешно момче, Карл Лук. Диетата подразбира пиење виски за време на вежбањето.

Гвинет Палтроу

 

gvinet-paltrou

 

 

И оваа актерка исто така се придржува одвреме – навеме до ригорозен начин на исхрана, кој подрзбира во текот на 21 ден детоксификација на организмот, така што се јаде само еднаш дневно, а секое залче треба да се изџвака 13 пати пред да се голтне.

Никол Кидман

 

nikol-kidman

 

Уште една не толку здрава диета која ја има практикувано оваа позната актерка се состои од оброци со јајца. Наутро таа јаде по едно јајце, а навечер две до три јајца, и ништо друго во текот на целиот ден.

Кејти Холмс

Кејти Холмс има изјавено дека секојпат кога сака да ослабне на брзина јаде супа од моркови за појадок, а за ручек и вечера – сирова брокула!

Тагови: диета
Вљубеничка во здравата исхрана и науката, сака да чита литература од разни жанрови и обожава медицина