Најчеста слика во главата на луѓето за јогата е загубено време во обид да се свиткаат во облик на кифла, а на крајот на тренингот во обид да се постават во лотус положба, додека тренерот удира во гонг. Да, одлична е за флексибилност и релаксација – но за бодибилдинг?
„Ако сакате да изградите мускули, тренингот со тегови е попрактичен пристап,“ вели Николас ДиНубил, автор на книгата Frame Work: Your 7-Step Program for Healthy Muscles, Bones and Joints. „Меѓутоа, јогата може да има многу подобар ефект во развојот на мускулатурата, посебно кога се комбинира со тегови.

Позите во јогата можат да ги зајакнат тетивите и лигаментите на целото тело, бидејќи се комбинираат вежби за истегнување, во кои телото се свиткува со помош на меѓусебно поврзани движења. Таквите поврзани пози се помалку болни и резултираат со поголема ефикасност. А, силните мускули не се само естетски убави, туку не чуваат и од артритис и болки во грбот, а преку јогата го развиваме тонусот на мускулите кои ја следат нашата мускулатура, па така наместо да креваме тегови и да развиваме сила, овде учиме како да почувствуваме леснотија и да го креваме сопственото тело.

Крутите мускули и сврзните ткива, како фасциите и лигаментите, можат да го расипат правилното држење, а преку посебно прилагодени вежби ги омекнуваме квадрицепсите, кои се важни за правилен однос на надколеницата и подколницата, за да не ги оптоваруваме колената и да не ја смекнуваме задната ложа на мускулите.

Најважно кај тренингот со тегови е да се изолираат одредени мускулни групи, а за максимален раст требате да тренирате до исцрпување. Од друга страна, кај јогата вашите мускули се контрахираат против отпорот на сопственото тело во изометрија, а наместо изолирање, вежбата се изведува во т.н. „функционално движење“, што буквално значи дека вaшето тело изведува координирано движење за да ве доведе во некоја одредена положба или за да постигне одредена активност. Како што ќе се движите низ серија пози (асана), вашите мускули ќе се истегнуваат и зајакнуваат. Ова не само што го подобрува мускулниот тонус, туку и ги прави мускулите поиздржливи. Тренингот со тегови ги кине и повторно ги изградува мускулните влакна, преку повторување на изолирани движења, додека јогата ја зголемува нивната сила со помош на подигање на тежината на сопственото тело, со задржување на некои пози одреден временски интервал, и со балансирање, кое влијае на основните мускули на трупот.
Постојат многу ригорозни облици на јоги, кои вклучуваат движења кои ги активираат мускулите во вашето тело, за кои не сте ни знаеле дека постојат! Една од нив е Power Yoga. Таа е развиена во средината на деведесеттите години на минатиот век во Њујорк и во Лос Анџелес. Настанала како мешавина од Аштанга јогата.

Движење во Power Yoga

Полумесечина во ротација
Од планинска положба (исправена положба на телото, со рацете свиткани во лактите и собрани дланки пред градите) исчекорите наназад со левото стапало, свиткувајќи го десното колено додека не го израмните со десниот глужд. Левото колено е лесно свиткано, а петата е подигната. Вдишете, рацете испружете ги над главата со споени дланки. Издишете, додека истовремено ги свиткувате колковите, и ротирајте го торзото во десно. Левиот лакт ставете го надворешната страна на бутот. Дланките и понатаму се споени, погледот оди наназад, преку десниот лакт. Задржете се во ротацијата 3 – 5 дишења. Потоа вдишете и вратете го торзото во првобитната положба, раширете ги нозете, а рацете испружете ги над главата. Издишете, спуштете ги рацете покрај телото, спојте ги стапалата, подигнете го торзото, а рацете зафрлете ги наназад, над главата, и потоа вратете се во планинска положба. Сменете ги нозете и повторете го истото со другата страна.

Тагови: јога
Вљубеничка во здравата исхрана и науката, сака да чита литература од разни жанрови и обожава медицина