Мусака со модри домати
Состојки:
- 2-3 модри домати, малку поголеми
- 1 средно голема главица кромид
- 2 средно големи моркови
- малку магдонос
- грст овесни или соини снегулки
- зачин
- малку црн пипер
- 2-3 лажици павлака
- 2 јајца
- малку јогурт
Подготовка:
- Модрите домати исечете ги на тенки парчиња по должината и пропржете ги на тефлонска сува тава. Пред тоа оставете ги да отстојат малку насолени за да ја испуштат водата од себе. Исцедете ги пред пржењето.
- Кромидот исечкајте го ситно, изрендајте ги морковите и исечете го ситно магдоносот
- Додајте им ги зачинот, црниот пипер, масло по вкус, малку вода и динстајте ги некое време.
- Потоа додадете ги снегулките, кои претходно ќе ги потопите во вода и ќе ги исцедите.
- Малку намрсете го дното на огноотпорен сад и редете ред домати, ред динстан зеленчук со снегулки и зачини. Важно е во зеленчукот да не остане многу течност, бидејќи доматите ќе пуштат малку за време на печењето.
- Печете во поклопен сад на 180-200 степени.
- Пред крај на печењето прелијте со павлаката и јајцата и печете уште малку.


