Морско оревче – малку познат ефикасен лек
Освен што е неизбежно во бројни колачи, давајќи им посебен вкус и арома, морското оревче отстранува и бројни тегоби. Тоа најдобро го знаат поддржувачите на алтернативната медицина, кои препорачуваат одредени традиционални рецепти.
- За лекување на честа реума, се растопуваат 2 лажици свинска маст и во неа се додаваат 3 лажици сончогледово масло. Кога мешавината ќе се загрее, се додава 1 лажица морско оревче во прав и се се меша убаво. Се остава да се олади во стаклена тегла. Пред употреба добро се загрева една лажица од овој препарат, се нанесува на газа и истата се става на местото зафатено од реума. Се држи 20 минути.
- Против гингивитис или воспалени непца се подготвува раствор, така што во една чаша со врела вода се додава половина лажичка морско оревче во прав. Растворот се остава да се олади, а потоа со него се измива усната шуплина преку целиот ден. Инаку, овој раствор помага кај сите орални инфекции, само што не смее да се голта.
- Против несоница, се подготвува тинктура така што во една шолја се става 70% алкохол и му се додава една лажичка морско оревче во прав. Содржината добро се промешува и се остава да отстои пет дена на сонце. Потоа се префрла во шишенце и се чува на темно и студени место. При појава на несоница, возбуда и нервоза, се капнуваат по 10 до 15 капки од оваа тинктура во една лажица мед и се раствора истата во уста. Кога ќе се растопи, се голта.