Колач со овесни снегулки и јаболки
Состојки:
- 2 филџани овесни снегулки
- 3 јаболки (или 4, по желба)
- 1 филџан млеко од бадеми
- 1/4 филџан вода
- 1 лажичка есктракт од ванила
- 1/2 лажичка цимет
- 1 лажица прашок за печиво
- 1/4 филџан путер од кикиритки
- прстофат сол
- агава сируп (по желба, ако сакате многу слатки колачи)
Подготовка:
Во голем сад измешајте ги овесните снегулки и сите суви состојки. Додадете им ги млекото и водата и добро измешајте. Јаболките исечете ги на коцки (не треба да се лупат) и додадете ги во оваа смеса. Добиената смеса ставете ја во садот за печење и одозгора прелијте со путерот од кикиритки. Печете околу 30 минути на 180 степени Целзиусови.