Домашно зобено млеко
Состојки:
- Зоб : Вода = 1 : 5
- 1 мера зобени снегулки
- 5 мери вода
- прстофат морска сол
- по желба 1/4 стапчиња ванила (или екстракт)
- по желба кафеав шеќер/јаворов сируп/јачменов слад или сл.
Подготовка:
Мерката (на пример, помала шолја) зоб, сол (+ по желба иситнетото ванила стапче и неговите одделени семки) се натопуваат во 2 мери вода (еден час или цела вечер), потоа се ставаат во блендер на десеттина секунди, додека зобот добро не се иситни и течноста не побели. Потоа во блендерот се додаваат преостанатите 3 мери вода и се остава да се мелат уше некое време на најсилна брзина. Добиеното млеко се цеди од зобената каша и од остатоците од ванила стапчињата.
По желба, млекото се засладува пред да се иситнат зобените снегулки или пред самото користење. Се чува во стаклено шише, во ладилник. При готвење се згуснува.