Трчањето, возењето велосипед, пливањето и други аеробни активности освен успешна елиминација на вишокот шеќер и маснотии од крвта придонесуваат и за подобра работа на мозокот. Причината е забрзување на циркулацијата и отчукувањата на срцето што овозможува доток на поголема количина кислород и гликоза во мозокот, клучни за неговото функционирање.

Покрај основна “храна за вијугите“, секое поголемо движење на мускулите поттикнува и ослободување на хормоните одговорни за подигање на менталната енергија. Зголеменото лачење на сератонин придонесува за подобро расположение, додека допаминот влијае на концентрацијата и помнењето. Подеднакво е важен и неопинофренот, кој го стимулира забележувањето, мотивацијата и сексуалната желба. Освен тоа, истражувањата утврдиле и дека редовните аеробни тренинзи од еден час три пати неделно за шест месеци го поттикнуваат растот на хипоталамусот, дел од мозокот одговорен за помнење и учење.

За постигнување на посакуваниот резултат, секој аеробен тренинг треба да има план, со помош на кој ќе се обезбеди неговиот континуитет и забрзување на срцевиот ритам, со смени на напорите и одморот. Во продолжение предлагаме тренинг за три дена во неделата за пливање, трчање и возење велосипед.

ПЛИВАЊЕ

 

plivanje1

 
1. ДЕН
Пливајте 15 м краул во спринт, потоа до 50 м забавено, а простанатите 50 м повторно спринт. Повторете четири пати во по две серии.
2. ДЕН
Пливајте 400 м краул во темпо кое ви одговара. Направете пауза од 2 минути, па повторно пливајте 400 м.
3. ДЕН
Пливајте 50 м краул со интензивно темпо, 100 м забавено, 150 м спринт, 100 м забавено, 200 м спринт, 150 м забавено, и последните 50 м спринт.

ТРЧАЊЕ

 

trcanje11

 
1. ДЕН
Одете брзо 20 минути, 15 трчајте, одете забрзано 15 минути, последните 10 минути трчајте.
2. ДЕН
Одете брзо 10 минути, трчајте во следните 20, одете 5 минути, 25 минути трчајте.
3. ДЕН
Трчајте еден час со оптимално темпо, со забрзување и забавување.

ВОЗЕЊЕ ВЕЛОСИПЕД

 

vozenje-velosiped

 
1. ДЕН
Возете велосипед еден час со среден ритам.
2. ДЕН
Возете велосипе со среден ритам 15 минути, во следните 20 возете со најолем интензитет, а преостанатите 25 со среден ритам.
3. ДЕН
Возете велосипед со среден ритам 20 минути, следните 40 со најбрзо темпо.

 

Вљубеничка во здравата исхрана и науката, сака да чита литература од разни жанрови и обожава медицина