7 смути рецепти за полесна бременост

Смути против утрински мачнини

• 1 банана

• половина шолја јогурт

• 1 лажица мед
• 1 шолја млеко

• неколку коцки мраз

• малку ѓумбир во прав или свежо изрендан

  Тајната состојка на овој шејк е токму ѓумбирот, бидејќи тој помага во пречките во варењето, додека млекото и јогуртот ќе ви ја дадат доволната количина на калциум. Медот е природен засладувач, а бананата е примарен извор на калиум, кој ќе ви помогне да закрепнете од мачнините.

Малина-вишна смути

половина шолја малини

• 1 шолја вишни
• 1 шолја лимонада

• половина шолја мраз

Ако не можете никако да ја згаснете жедта во летните врели денови, пробајте ја оваа овошен деликатес.

Цитрус смути

1 мандарина, олупена и исецкана

• половина шолја ананас на парчиња

• 1 шолја лимонада
• 1 лажица сок од лимета

• половина шолја мраз

Земете ја својата дневна доза на витамин Ц!

Смути овошна салата

1/4 шолја исецкано јаболко

• 1/4 шолја исецкана круша
• 1 банана

• грст суво грозје

• 1 лажица сецкани ореви

• половина шолја јогурт

Зошто својата омилена овошна салата да не ја претворите во пијалок? Најважно е овошјето да биде разновидно. Можете да си играте и да комбинирате.

Јагода- киви смути

1 шолја јагоди

• 1 исецкано киви

• 1 лажица сок од лимон

• половина шолја мраз

• половина шолја млеко

Овој освежителен пијалок е преполн со витамини Е, Ц и К, како и калиум, што може само да му годи на вашиот организам.

Банана-боровинка смути

• 1 банана

• половина шолја боровинки

• 1 шолја млеко

• 1 лажичка ванилин шеќер

Уживајте во ова смути со неколку парчиња крекери или тост намачкан со мармалад.

Зелено смути

•  1   шолја кељ
• 1 шолја исецкана диња
• 1 шолја млеко
• 1 банана
• 1 лажичка ванилин шеќер

Ова смути може да биде совршен избор за попладневна ужина!