6 лесни вежби кои го топат целулитот

Ослободете се брзо од ,,портокаловата кожа,, и целулитот со едноставни и лесни вежби. Доволно е да оделите 30 минути три до четири пати неделно за наталожените маснотии под кожата да исчезнат од критичните делови од телото.

Целулитот кој најпрво се забалежува на задникот и задниот дел од бутот, во поблага или поизразена форма, го имаат речиси 98% од жените, стари и млади, слаби и оние подебели. Ако не се реагира на време, маснотиите се таложат и на другите делови од телото и кога ќе се натрупаат, стануваат видливи, кожата добива нерамнини кои потсетуваат на кора од портокал. Некои лоши животни навики, на прво место кафето, цигарите, физичката неактивност, неправилната исхрана, но и генетиката, играат многу важна улога во настанувањето на целулитот. Со внимателно бирање на намирниците и умерени вежби можат да се постигнат задоволителни резултати за кусо време. На менито треба да преовладуваат рибата, немасните меса, свежото овошје и зеленчук и производите од млеко со колку што може помал процент на маснотии. Треба да се внесуваат многу течности, пред се вода и незасладени чаеви. Витамините Ц и Е од свежото овошје и зеленчукот ја подобруваат еластичноста на кожата.

Умерената физичка активност исто така може да помогне во решавањето на овој проблем. Доволно е да одделите три до четири пати неделно по 30 минути за целулитот да исчезне од критичните делови од телото.

Чучнување (плие)

Расчекорен став, стапалата се малку пошироки од обемот на колковите и малку свртени во страна. Свиткајте ги колената и спуштете се во во длабоко получучнување. Задржете се неколу секунди во таа положба и вратете се во почетната положба. Направете по три серии од 10 до 15 повторувања.

Исчекор

Застанете во расчекорен став, ставете ги рацете на колковите. Направете исчекор со десната нога и спуштајте се надолу, додека десното колено не биде под прав агол, а левото на само неколку милиметри од подот. Вратете се во почетна положба, оттурнувајќи се со десната пета од подот. Повторете ја вежбата со другата нога. Правете наизменично од 15 до 20 исчекори. Ако сакате да ја направите вежбата потешка, земете во секоја рака по еден тег од половина или еден килограм.

Скалило

Застанете пред скалило, кое треба да биде во висина на коленото, и подигнете го левото стапало. Оттурнете се со петата од левата нога, додека телото не се исправи сосема и додека не стоите на една нога на скалилото. Вратете се полека назад, така што десната нога сосема да го допре подот. Повторете неколку пати, а потоа направете ја вежбата и со другата нога.

Карлица

Легнете на грб, рацете се покрај телото, а нозете свиткани во коленото. Подигајте го колената највисоко. Задржете се во оваа положба две до три секунди и потоа вратете се во почетната полоѓба. Повторете 10 – 15 пати.

Затегнување на задникот

Легнете на грб, свиткајте го коленото на левата нога, а десната исправете ја и подигнете ја во рамнина со натколеното од свитканата нога. Вовлечете го стомакот, раширете ги рацете, подигнете го задникот и обидете се колку што може подолго да издржите во таа положба. Повторете од 7 до 10 пати со секоја нога. За вежбата да биде потешка, наместо да ги држете рацете покрај телото, прекрстете ги на градите.

Подигање на нозете

Клекнете на под, со подлактите потпрете се на подлогата. Едната нога свиткајте ја под агол од 90 степени и подигнете ја, така што бутот да биде паралелен со подлогата, и вратете ја во почетната положба. Вежбата повторете ја со секоја нога по 10 пати.