5+ најважни суплементи

Секогаш е најдобро да се консумира разновидна храна, онаа која е полна со потребните хранливи материи и која таблетите не можат во потполност да ја заменат. Еве како да знаете дали на вашата исхрана и е потребна помош од некои од најголемите суплементи.

Калциум

Калциумот го намалува ризикот од скршеници на тој начин што ги јакне коските. Тој игра главна улога за мускулите и нервните функции. Истражувањето кое го има спроведено едно американско списание покажало дека оние кои внесуваат калциум имаат помал ризик од добивање на дијабетес тип 2. овој минерал најдобро се консумира преку консумирањето млечни производи.

Колку да земате суплементи калциум?

Дневно треба да земате 100 милиграми калциум цитрат или калциум карбонат. На жените постари од 51 година или постари потребни им се 120 милиграми. За да ја зголемите апсорпцијата, потребно е да го земате два пати дневно (со оброк) во временски период од неколку часови.

Рибино масло

Студиите покажуваат дека омега-3 масните киселини во рибиното масло помагаат да се намали астмата предизвикана од вежбање, чувствителноста на мускулите и за зголемување на мускулната маса. Омега-3 масните киселини како и ЕПА и ДХА ги има во помрсните риби, како што е лососот. Ако јадете две – три порции мрсна риба неделно, ќе внесете и повеќе од доволно омега- 3. Но, ако припаѓате во онаа група од 65% кои ретко или никогаш не јадат риба, тогаш суплементите се вистинско решение.

Колку да земате суплементи рибино масло?

Суплементот од 1000 милиграми рибино масло може да содржи многу малку омега – 3 масни киселини и ЕПА и ДХА. Затоа прочитајте ја содржината на него и најдете суплемент кој содржи најмалку 500 милиграми ЕПА и ДХА во комбинација.

Железо

Железото е од витално значење за производството на хемоглобин, соединението кое носи кислород до мускулите. Ниското ниво на железо предизвикува пад на енергијата и влијае негативно на перформансите. Мажите поретко имаат ниско ниво на железо, но затоа истражувањата покажуваат дека жените во менопаузата се во најголем ризик.

Колку да земате суплементи железо?

Ако вашиот тест за крв покажува ниско ниво на железо, земете сулфат на железо. Лесно се апсорбира и повеќето луѓе се толерантни на него. Најдобро е во комбинација со храна богата со витамин Ц, бидејќи тогаш се зголемува неговата апсорпција.

Витамин Д

На организмот му е потребен витаминто Д за да го апсорбира калциумот. Тоа и е причината поради која е зголемено дневното внесување на витамин Д за повеќето старосни групи. Докажано е дека овој витамин го намалува ризикот од срцеви заболувања, рак на дојката и дијабетес. Но, него е потешко да го внесеме доволно, бидејќи го има само во некои намирници, а нашето тело го произведува само кога е изложено на УВ зраци

Колку да земате суплементи со витамин Д?

Прво, најдобро ќе биде да го измерите нивото на овој витамин во вашиот организам. Доколку е паднат под 30, треба да земате најмалку 1,000 милиграми дневно. Земајте го за време на оброците, за подобра апсорпција.

Бета-каротен

Кога се консумира од овошјето и зеленчукот, бета-каротенот може да го намали ризикот од некои видови рак.

Колку да земате суплементи бета-каротен?

Докторите предупредуваат да се избегнува да се користат бета-каротен суплементи, бидејќи предизвикуваат некои видови ракови.

Витамин Е

Најдобро е кога се консумира по природен пат, преку консумирање на ореви, авокадо и маслиново масло.

Колку да земате суплементи од витамин Е?

Истражувањата покажале дека овој витамин не го намалува ризикот од болести на срцето и рак, туку дека неговото зголемено консумирање може да доведе до мозочен удар.