4 факти за тоа зошто губењето на масти е различно помеѓу мажите и жените

1.Додека се одмараат, жените согоруваат повеќе глукоза (јаглехидрати) отколку мажите и помалку масти

Освен тоа, жените имаат тенденција да складираат повеќе масти по јадењето, што, исто така, придонесува за нивниот повисок процент на телесни масти.

Од еволуциска гледна точка, поволно е за жените да имаат повеќе масти, бидејќи овие масни наслаги ќе се искористат за време на бременоста и доењето. Откако младите жени стануваат способни за репродукција, нивните тела започнуваат да складираат масти околу колковите и бутовите, што е еден вид подготовка  за бебе.

Мастите околу колковите и бутовите (наречени глутеофеморални масти) имаат особено висока концентрација на DHA, една од трите омега-3 масти. Теоријата е дека глутеофеморалната DHA маст е важна состојка за создавање на мајчиното млеко, и дека е важна за развојот на мозокот на бебето.

Истражувањата сугерираат дека жените во САД имаатсе понизок процент на DHA во нивните глутеофеморални масти поради внесувањето на мали количини на омега-3 киселините. Ова обично води до значително зголемување на телесната тежина за време на бременоста, бидејќи мозокот на жената е програмиран да го следи статусот на хранливите материи во телото, како и да ги детектира малите складирани количини на DHA .

Ова води кон прекумерно чувство на глад, што предизвикува жените да јадат повеќе, за да складираат што е можно повеќе DHA за правилен развиток на мозокот на новороденчето. Спротивно од нив, жените од Јапонија имаат многу повисок процент на DHA во нивните масти, поради тоа што во нивното мени на исхрана редовно е вклучена рибата, па тие се и послаби.

Што може да направите во врска со ова ?

Без оглед на тоа дали планирате бебе или не, добро е да внесете соодветна DHA во вашата исхрана. Стремете се кон балансиран сооднос на омега-3 масти со омега-6 масти, со ограничување на внесувањето на растителни масти и масла.

Направете го вашето тело метаболитички флексибилно, така што ќе биде способно да согорува масти за да добие енергија. Направете го ова со ограничување на внесувањето на јаглехидрати во вашата исхрана во одредени периоди, така што вашето тело ќе биде принудено да научи да ги согорува мастите.

На пример, обидете се да внесувате поедноставни јаглехидрати во деновите кога не вежбате, а посложени во деновите кога вежбате. Практикувањето на анаеробен стил на вежбање, како што е кревањето тежина или пак спринтовите, исто така ја подобруваат метаболичката флексибилност на телото.

2. Жените и мажите ги согоруваат (и складираат) телесните масти поинаку

Жените се потпираат на мастите како гориво за време на вежбањето во многу поголем степен отколку мажите. Ова го прави самото траење на вежбањето од суштинско значење за жените да можат да изгубат масти, поради несреќниот факт дека жените согоруваат многу помалку масти за време на паузата.

Дополнително, жените ги складираат мастите веднаш под кожата (поткожно), додека мажите имаат повеќе висцерални масти. Висцералните масти се метаболно активни и претставуваат ризик за кардиоваскуларното здравје и инсулинската резистенција. Во меѓувреме разумната количина на масти во долниот дел од телото кај жените укажува на подобро здравје и помал ризик од срцеви заболувања!

Жените вообичаено прво се ослободуваат од мастите во горниот дел од телото, но имаат мака во губењето на мастите во долниот дел од телото. Како што споменаме погоре, телата на жените складираат масти како подготовка за бременоста, но тие исто така имаат и поголем број на алфа рецептори во овој дел од мажите. Комбинацијата на алфа рецепторите и естроген го спречува губењето на масти. Мажите имаат повисок вкупен процент на бета рецептори, што овозможува полесно мобилизирање и согорување на мастите.

За да се ослободите од тврдоглавите масти во долниот дел од телото, истражувањата покажуваат дека жените мора да прават анаеробни вежби. На пример, една неодамнешна студија покажа дека додавањето на вежби за сила во програмот за аеробно вежбање, дава одлични резултати при губење на мастите. Жените кои го изведувале ова истовремено вежбање изгубиле 12,2 проценти од мастите од нозете, го намалиле обемот на колковите за 4 отсто, а изгубиле 9,7 проценти од оригиналните телесни масти.

Спротивно на тоа, жените кои правеле аеробни вежби изгубиле 5,7 проценти од телесните масти на нозете, го намалиле обемот на колковите за 4 отсто, а изгубиле 5 проценти од нивниот оригинален обем на телесни масти.

Научниците укажуваат на тоа дека поголемиот интензитет на вежби со оптоварување, помага во стимулација на ослободувањето на телесните масти од масните клетки, така што тие може да бидат искористени за енергија. Покрај тоа, можно е (иако не е дефинитивно) естрогенот да има позитивен ефект врз согорувањето на мастите за време на вежбањето преку неколку механизми:

• Естрогенот се појавува за да го ограничи распаѓањето на триглицеридите во крвта за складирање.

• Естрогенот го подобрува производството на епинефрин за поголемо согорување на мастите.

• Естрогенот го стимулира хормонот за раст, кој игра важна улога во метаболизмот на мастите и го стимулира протокот на крв.

Што може да направите во врска со ова?

Правете вежби за сила, фаворизирајте мулти- вежби со фокус на долниот дел од телото, а особено вежбајте чучњеви, мртво дигање и исчекори. Исто така, правете високо- интензивни интервални(HIIT) вежби- на лентата за трчање или велосипедот, за да ги таргетирате алфа рецепторите и да ја подобрите загубата на масти од долниот дел од телото.

3. Стресот влијае на метаболизмот на жените, спречувајќи го губењето на масти

Се разбира, стресот влијае на загубата на масти кај секого, но можно е одредени видови на стрес да бидат поштетни за жените отколку за мажите.

Стресот доведува до постојано лачење на кортизол, а примарна функција на кортизолот е да влијае на зголемувањето на шеќерот во крвта , за да имате доволно енергија за да се изборите со стресната ситуација.

Кога ова станува хронично, телото го претвора хормонот прегнелон, кој е претходник на естрогенот и тестостеронот, во прогестерон, кој потоа се користи за да се создаде кортизол и алдостерон. Заедно, овие хормони водат до поголемо складирање на масти и задржување на повеќе течности. Не само што ќе имате повеќе кортизол,туку ќе имате и помалку тестостерон и естроген.

Жените , бидејќи имаат пониски вредности на тестостерон, имаат понеповолна позиција кога станува збор за губење на масти. Иако покачениот естроген не е предност при загубата на масти, ниските нивоа на естроген исто така не се предност како што видовме во втората точка од оваа статија, бидејќи ниското ниво на естроген спречува поголема оксидација на мастите кај жените за време на вежбањето. Телото едноставно не се однесува како што би требало. Сè е надвор од контрола и губењето на масти едноставно нема да се случи.

Што може да напраите во врска со ова ?

Најдете стратегија за справување со стресот која ви одговара, без разлика дали тоа е медитација, јога, психолошка терапија, или пак нешто друго.

Фокусирајте се на оптимизација на вашиот деноноќен ритам. Имајте во предвид дека телото работи како 24-часовен деноноќен часовник. Часовникот на секоја личност е малку поинаков, одлика позната како хронотип или склоност кон тоа да бидете утринска или вечерна личност. Хронотипот влијае на времето од денот кога физичките функции на некоја личност (нивоа на хормони, температура на телото, когнитивни функции, јадење и спиење) се активни.

Кога ќе се придржувате кон вашиот хронотип, можете да се надевате на рамнотежа и оптимално здравје. Кога одите против часовникот, вашиот вроден ритам е пореметен. Ова ќе го зголеми стресот и ќе го направи губењето на масти многу потешко.

4. Наизменичниот пост и ограничувањето на калориите може да биде штетно за жените, но корисно за мажите

Наизменичниот пост и ограничување во калориите се фрапантен пример за тоа како стресот негативно влијае на метаболизмот на жените во споредба со мажите. И двете нешта се метаболички корисни за повеќето мажи, овозможувајќи им да изгубат масти, како и да ги подобрат фактори за ризик од разни болести.

Сепак, истражувањата покажуваат постот е штетен за женското репродуктивно здравје. Всушност, многу жени се изјасниле дека постот им предизвикал зголемување на телесната тежина, нерамнотежа на шеќерот во крвта, несоница и неплодност.

И додека мажите имаат тенденција да губат масти при пост, голем дел од жените добиваат масти плус. Механизмот зад ова несовпаѓање веројатно има врска со тоа како женското тело реагира на недостаток на калории. Научниците веруваат дека ограничувањето на калориите, дури и спорадичното ограничување, предизвикува хормонални нарушувања, и лачење на вишок кортизол со телото, кој потоа се складира во масните клетки задржување. Тоа е “заштитна реакција”, бидејќи телото ги складира мастите за натамошен опстанок кога калориите ќе бидат ограничени.

Што може да направите во врска со ова?

Избегнете ограничување на калории, доколку правите вежби со висок интензитет или пак вежби со долго траење. Бидете многу претпазливи со постот. Ако му дадете на вашето тело доволно енергија, со избалансирани масти, јаглехидрати и протеини, нивоата на вашите хормони ќе бидат во среќна рамнотежа, стресот ќе биде понизок, а вашето тело ќе биде поподготвено да се откажат од складираните масти.