Зошто не се обликуваат нозете?

Постојано правите чучнувања, возите велосипед и правите разни други вежби за нозете, но никако не успевате да го добиете посакуваниот облик. Ова се неколкуте причини поради кои не можете да го постигнете тоа.

Правите премногу кардио вежби – кардио вежбите се важен дел од секоја фитнес рутина, но ако тренингот се базира воглавно на овие вежби, тоа значи дека ќе имате понизок уддел на мускулна маса, бидејќи премногу мускули претставуваат пречка за кардио вежбите, со оглед на тоа што вежбач со поголема маса е потешко подвижлив. Затоа, доколку целта ви е да добиете повеќе мускули на нозете, дајте им предност на вежбите за сила.

Не се истегнувате доволно – за да може да се изградат мускули, потребно е да се ангажира апсолутно секој мускул на нозете, а тоа може да се постигне така што почесто ќе ги менувате вежбите кои ги изведувате и да се истегнувате пред и по тренингот.

Нема мускули без диета – тажната вистина е дека врвни резултати не можат да се постигнат без советување со стручњаци. Секој има мускули, но од количината на масни наслаги на телото зависи дали или нема да ги видиме тие мускули. Секако, со вежбање удделот на масно ткиво може да се намали, но никогаш не доволно за мускулите да станат добро видливи. Затоа за добро дефинирани мускули на нозете е важно што јадеме. Пожелни се протеини, зеленчук, сложени јагленохидрати, овошје, а не брза храна како што се хамбургери и пржени компири. На нив треба да се заборави.

Делуваат само правилно изведените вежби – можете да се онесвестите од замор колку многу вежбате, ама ако не ги изведувате вежбите правилно, никогаш нема да ги видите толку многу посакуваните мускули. Затоа, направете го она што го можете, а тренерот нека ви покаже како правилно да ги изведувате вежбите.

Не користите доволно големи тежини – за долниот дел од телото треба да се користат поголеми тежини одошто за горниот дел од телото. Логично е за долниот дел од телото да бидат потребни поголеми тежини, ако сакате да имате дефинирани и видливи мускули. Тоа е затоа што постојано ги користиме нозете и тие се навикнати на оптоварување, па така секој треба малку да ја зголемува тежината при вежбање.

Пример за здраво мени со цел тренингот да има што поголем ефект

Појадок: зобена каша со ореви и суво грозје

Меѓуоброк: едно јаболко

Ручек: бистра пилешка супа со варени компири и моркови

Меѓуоброк: неколку суви бисквити (или несолеи крекери) и јогурт со пробиотици

Вечера: риба подготвена со варен компир и парче пченкарен леб