Ако додека вежбате слушате музика од слушалки или гледате телевизија, можеби пропуштате едно од најскапоцените нешта кои се добиваат од вежбањето: можност да го подобрите здравјето на својот мозок. Истото е и ако постојано вежбате исти вежби – тоа е како да користите автопилот во авион.

Новите научни докази покажуваа дека физичката активност е клучна за оддржување на менталното здравје како што старееме, но суштината е во тоа што обрнувате внимание на тоа што прави телото – вели Мајкл Гонзалес Валас, фитнес експерт и автор на книгата „Супер тело, супер мозок“.  Постојат многу истражувања кои кажуваат за тоа дека вежбањето во секоја животна доба ги поттикнува работатата на мозокот и помнењето, но за да остварите најдобри когнитивни резултати, потребно е да бидете ментално фокусирани и ангажирани во текот на вежбањето – додава тој, кој препорачува вежби кои истовремено ангажираат неколку групи на мускули, што бара прецизност и координација на движењата.

Подобро е да се ангажираат повеќе мускули

 

Традиционалните вежби, на пример како кревање тегови за да се зајакнат бицепсите, се здодевни, бидејќи во тој случај користите многу ограничен дел од мозокот. Додека послоените движења, како што е на пример истовременото подигање на левата рака и десната нога, активираат многу повеќе области во мозокот, вклучувајќи ги и оние кои се задолжени за учење, донесување одлуки, за време и за рамнотежа – вели Гонзалес Валас.

За значењето на вежбањето зборува и едно неодамнешно истражување, кое открило дека физички најактивните постари луѓе (во однос на најнеактивните) имале поголем мозок, како и дека кај нив дошло до најмалку оштетувања и собирање на белата мозочна маса. Во ова истражување учествувале околу 700 луѓе, родени во 1936 година.

Истовремено, едно друго догогодишно истражување открило дека само интелектуалните активности, како што се решавањето крстозборки или судоку, или учењето странски јазик, не влијаат врз здравјето на мозокот. Од друга страна, истражувањето презентирано на минагодишниот состанок на Асоцијацијата за Алцхајмерова болест покажало дека редовното вежбање не само што го поттикнува менталното здравје кај луѓето, туку и го подобрува исто така и помнењето кај оние кои се во рана фаза на Алцхајмерова болест.

Менувајте ги вежбите, тоа е поздраво и поинтересно!

 

Гонзалес Валас предлага да се менуваат вежбите и да се воведуваа нови, со цел да се стимулира мозокот. Ова се неколку дисциплини кои можат да ви помогнат да останете физички и ментално млади.

Брзо одење. Секоја минута од брзото одење го зголемува животниот век за 1,5 до 2 минути. Истражувањата исто така покажуваат дека оние луѓе кои редовно шетаат (во однос на оние кои не го прават тоа) живејат подолго, имаат помала телесна тежина, понизок крвен притисок и севкупно подобро здравје. Оние кои одат брзо имаат намален ризик од опаѓање на менталната функција која е поврзана со стареењето.

Вежби за сила. Истражувањата укажуваат да тоа дека вежбите за сила, при кои се активираат сите главни мускули, три пати или повеќе неделно, се најдобар начин за намалување на ризикот од остеопороза.

Користењето тегови со мала тежина (до точка кога ќе почувствувате замор) ја подобрува силата на мускулите и издржливоста, со најмал ризик од проблеми со зглобовите, кој може да се јави ако се користат тегови со поголема тежина – вели Гонзалес Валас.

Таи чи. Освен што ги подобрува држењето, рамнотежата и силата на мускулите, таи чи е исто така ефикасен како помош кај постарит елуѓе при одбегнувањето падови со сериозни последици, па затоа Американското здружение за геријатрија го препорачува за постарите луѓе.

Интервален тренинг.  Се работи за вежбање при кое се сменуваат вежби со висок интензитет со краток одмор. Се покажало дека овие вежби се еден од најдобрите начини за да се олабне (и посебно да се ослободите од салото на стомакот) и да се намали ризикот од дијабетес. Кај оние кои патта од дијабетс тип 2, овие вежби  ја подобруваат контролата на шеќер во крвта и го зголемуваат капацитетот на митохондриите во мускулите.

Тренинг за издржливост. Новото истражување го доведува во врска вежбањето кое ја јакне силата и изджрливоста со подолгите теломери, што е знак за добро здравје и помалку биолошка старост. Теломерите се заштитните ,,капи,, на врвовите од хромозомите, слични на пластичните врвови на врвките. Вежбите за издржливост, а тоа се типични аеробни вежби, со умерен интензитет, исто така помагаат во заштитата од кардиваскуларни болести, ја поттикнуваат работата на метаболизмот и го подобруваат вниманието.

 

Вљубеничка во здравата исхрана и науката, сака да чита литература од разни жанрови и обожава медицина