Вежба за стомачни помоќна од планк (штица)
Постои сличен начин на вежбање како планк, само со поинакво име и која дефинира сосема друга група на мускули.
Страничното издржување или “side plank” (страничен планк) е многу популарна вежба меѓу фитнес тренерите и многумина ја практикуваат. Може да се прави секаде – во теретана и дома. А со неа се ангажираат страничните мускули на стомакот.
Легнете на страна, ставете ги нозете една преку друга, а потоа потпрете се на лактот (поставете го директно под рамото), додека нозете се и понатаму во истата положба. Потпирајте се само на стапалото од ногата која е поблиску до подот.
Во оваа положба може да стоите најпрво 10-тина секунди, а потоа секојпат зголемувајте го времето на издржување. По некое време ќе успеете да издржите и по неколку минути во таа положба и тоа без проблем.
Најважно е да не се откажувате. И, за брзо време ќе ги видите првите резултати. При изведувањето на вежбата многу е важно следново:
- Не дозволувајте колковите да ви ,,пропаѓаат,,. Задникот треба да биде рамен со целото тело – ниту испапчена, ниту спуштена. Стомакот вовлекувајте го, замислувајќи како папокот го приближувате кон рбетот. Никако не го отпуштајте и не дозволувајте да оди кон подот заедно со колковите.
- Главата никако не треба да биде спуштена и да паѓа. Ако почувствувате дека не можете да ја држите во неутрална положба и дека долниот дел од грбот ја презема целата тежина, прекинете со вежбата, запомнете колку време сте издржале и следниот пат правете ја токму до мигот до кој сте оддржувале совршената форма.
- Внимавајте на дишењето. Кога физички ни е нешто напорно, го задржуваме здивот и дишењето не е воедначено. Но, скратувањето на кислородот на телото во вакви ситуации може да доведе до вртоглавица и несвестици и секако да го направи изведувањето на вежбата неефикасно и многу потешко. Значи, мирно и правилно дишете и ќе можете да издржите и да ги ангажирате своите мускули на вистинскиот начин.
