Што откриваат испуканите усни?
Кога воздухот содржи поголем процент влага, доаѓа до сушење на водата на усните. Како резултат на тоа, се појавуваат пукнатини во пределот на усните. Многумина сметаат дека пукањето на усните е проблем кој се појавува во текот на зимските месеци, но суви и испукани усни можат да се појават во која било сезона од годината. Освен тоа, испуканите усни се неатрактивни, а раничките кои можат да се појават притоа се многу болни.
Како доаѓа до појавата на испукани усни?
Усните можат да испукаат на неколку начини. Најпознат начин е оближувањето на усните за време на студени и ветровити денови. Нанесувањето некаква заштита на усните за време на ветровити денови може да спречи да не испукаат. Ова најчесто се случува кај децата и најдобар начин за да се спречи тоа е да им се обезбеди постојана влажност.
Но, веќе споменавме дека тие можат да испукаат и од некои други причини. Некои од нив се следниве.
Недостиг на потребните витамини
Недостигот на витамините Б2 и Б3 може да доведе со сувост и пукање на усните. Адекватното внесување на витамини е неопходно за правилно функционирање на организмот. Витаминот Б2 е одговорен за правилна работа на метаболизмот, за регулирање на нивото на аминокиселините во крвта и за функционирање на сите клетки во телото. Недостигот, пак, на витаминот Б3 може да предизвика дерматитис, диареја и ментални проблеми. Недостигот на овие витамини, но и на било кој друг витамин, се забележува на усните, јазикот, па дури и на забното месо. Ако усните често ви се суви и испукани, секако треба да размислите за земање суплементи од витамини, посебно витаминот Б3.
Недоволно внесување вода
Недостигот на вода предизвикува хидратација. Еден од првите симптоми од недостиг на вода во телото е сувост и пукање на усните. Досегашните истражувања покажале дека недостигот на вода го зголемува ризикот од појавата на болест на непцата, насобирање на забен камен и кариес. Препорачанат дневна количина вода е осум чаши, но и повеќе ако вежбате редовно и ако повеќе се потите.
Алергии
Доколку имате забележано дека имате суви и испукани усни откако ќе ставите руменило, балзам или сјај, можно е да сте алергични на некоја од супстанциите кои се наоѓаат во составот на производот. Алергиите на тие материи предизвикуваат чешање околу усните, иритација и нивно пукање. И некоја храна, исто така, може да доведе до пукање на усните. Кога ќе откриете на што сте се алергични, одбегнувајте ги тие производи и посоветувајте се со доктор околу земањето соодветна терапија, со помош на која ќе ги ублажите алергиските реакции.
Реакција на некои лекови
Лековите можат да предизвикаат низа несакани нуспојави, а една од нив е пукањето на усните. Лековите за хипотиреоза и регулирање на крвниот притисок многу често предизвикуваат пукање на усните.
Претерано внесување на витамин А
И преголемо внесување витамини не е добро. Премногу внесен витамин А може да предизвика сувост на усните, пукање, лупење и крварење.
Хронично воспаление
Ако постои хронично воспаление или тивко воспаление во телото, ќе почнат да се јавуваат промени на аглите од усните, пукање и зголемено лачење плунка. Оние со чувствителна кожа се повеќе склони да им се појави воспаление околу усните.


