Споредба на справите за кардио вежби:статичен велосипед, лента за трчање или орбитрек ?

Како во тренингот на професионалните спортисти, така и во животот на обичните луѓе, кардио вежбите би требало да заземаат важно место. Не е важно дали се работи за маратонци, борачи, фудбалери и итн, ако сакаме да го задржиме нивото на физичка кондиција или здравствената состојба за едноставно секојдневно функционирање, мораме нашето тело постојано да го изложуваме на стресот кој го предизвикува вежбањето.

За почеток, да го дефинираме кардио-тренингот

Механизмот на кардио тренинг е многу голем број на повторувања на мускулни контракции. Примарните телесни адаптации односно физички промени како резултат на кардио вежбањето се подобрен траснспорт на материите , односно зголемена енергија. Принципите на кардио вежбите се секогаш исти, без оглед на тоа дали се работи за џогирање, степер, орбитрек, велосипед … Овие принципи се голем број на повторувања на мускулни контракции, со цел да се подигне бројот на срцевите отчукувања во зависност од целната зона.

Многумина од вас ќе се согласат дека во споредба со статичниот велосипед и орбитрекот,  лентата ќе “согори” најмногу калории, под претпоставка дека интензитетот на вежбање е подеднаков на сите три справи. Меѓутоа, секоја од овие справи има свои специфични предности.

Трчањето секако ангажира голем број на мускули. Повеќето луѓе би биле изненадени од фактот дека можеби и не трчаат правилно што може да предизвика оштетување на зглобовите и сврзните  ткива. Постојат голем број на школски вежби за трчање, кои ќе ви помогнат да го поставите вашето тело во оптимална положба при трчањето. Секој кој досега не трчал на лента за трчање, треба да започне со одење како за почеток. Со текот на времето, ќе го изгубите чувството на несигурност и полека можете да ја зголемувате брзината, се разбира, според  вашите способности.

На разни форуми ќе прочитате за тоа дека лентите за трчање им штетат на колената и дека нејзината употреба не се препорачува, меѓутоа денешните справи се модерни и прилагодени на телото, со посебен амортизирачки механизам кој позитивно влијае на зглобовите. Единствен предуслов за тоа еден човек да ја корити лентата е негова поволна здравствена состојба, што значи дека луѓето со оштетување на колената, колковите или други болести треба да ја избегнуваат.

Кога трчате на лента за трчање, водете сметка за тоа да не постои воздушен отпор, како при трчање на отворено, па затоа треба да го зголемите наклонот на 1,5 и на тој начин барем приближно да ги симулирате природните услови, што ќе се одрази позитивно врз мускулите во долниот дел на грбот.

Доколку имате проблеми со зглобовите, особено колената, орбитрекот е идеалното решение за вас. Со вежбањето на орбитрек нема премногу да ги оптоварите зглобовите, затоа што тој ги симулира природните движења на телото. Во пракса се покажало дека употребата на орбитрек по операција на колената е одлична.

Неговата примена е одлична и по исцрпно вежбање со тежини, по кој доаѓа до значително намалување на концентрацијата и доаѓа до замор, па вежбањето го намалува ризикот од повреда. Доколку можете да си дозволите орботрек, вежбајте дома, со што би заштедиле пари и  времето кое би се потрошило за поаѓање и враќање од фитнес центарот, но и со оваа справа треба да бидете внимателни, за да не стане уште само едно парче на мебел што собира прашина.

И третата и последна, меѓутоа подеднакво важна справа, е статичниот велосипед. Веројатно во однос на лентата за трчање и орбитрекот, ќе потрошите најмалку калории, меѓутоа и тој си има свои предности. Како и кај орбитрекот, статичниот велосипед има одличен ефект врз коленото врз кое е извршен оперативен зафат од било кој тип. Во зависност од тежината на повредата, потребно е да се знае интензитетот и периодот од опоравувањето во кој можете да го вклучите велосипедот како помагало.

Освен во случај на повреди, многу е практичен бидејќи можете да го користите дома, завзема многу малку простор и овозможува пропратни содржини со кои ќе ви мине времето побрзо и ќе ви биде поинтересно да вежбате- на пример, можете да гледате телевизија.

Статичниот велосипед е погоден за повозрасни лица поради неговата карактеристична позиција, потребно е само да се седне на него и да се педалира. Важно при користење на овој велосипед е  да го прилагодите седиштето на оптимална височина при која испружената нога ви е благо свиткана во коленото. Така на мускулите ќе им овозможите максимална контракција и максимално истегнување.