Рататуи на вегански начин
Состојки:
- 2 модри домати
- 5 лажици маслиново масло
- 2 главици виолетов кромид
- 4 чешниња лук
- 2 црвени пиперки
- коморач
- 3 големи тиквички
- 4 домати
- Салца:
- босилек
- магдонос
- коријандер
- нане
- едно чешне лук
- една лажичка копар
- 4-5 лажици малсиново масло
- сок од половина лимон
Подготовка:
Исечете ги модрите домати на парчиња, премачкајте ги со масло и запржете ги на силен оган. Можете да ги запечете и во рерна.
Иситнете ги кромидот и лукот, а коморачот, пиперките и тиквичките исечете ги на коцки или на ленти. Во тава загрејте го остатокот масло и додадте ги кромидот и лукот. Пржете ги додека не добијат златна боја. Потоа длодадете ги пиперките, коморачот и тиквичките и пржете ги додека не омекнат. Доматите излупете ги, иситнете ги и додадете ги во тавата со другите намирници. Намалете го огнот и гответе додека зелечукот не биде сварен.
За салцата измешајте ги сите состојки и изблендирајте ги. Во тава за печење наредете ги печените модри домати, прекријте ги со преостанатиот зеленчук и залијте се со салцата.
Рататуи може да се послужи со сварен ориз.
