Покрај тоа што е вкусен, морковот е богат со многу витамини и минерали кои го окрепуваат нашиот организам. Освен бета-каротен и витамин А, кои се важни за кожата и за нејзината регенерација, морковот уште содржи и витамни, ПП, С, Е, К како и калиум, калциум, јод, цинк и кобалт. Но, освен за јадење, морковот е одличен и за подготвување природни маски. Еве некои од нив.

1. Морков + aвокадо

Состојки:

  • Еден сварен морков
  • Половина авокадо
  • Две лажици павлака
  • Две лажици мед
  • Јајце

Подготовка:

Во блендер се блендираат авокадото и морковот. Потоа им се додаваат останатите состојки и се се меша убаво за да се соедини.

Маската се нанесува на чисто лице и се држи околу 10-15 минути. Потоа се отстранува со тупфери и лицето се мие со млака вода.

2. Морков + лимон

Состојки:

  • 1 лажица сок од лимон
  • 3 лажици сок од моркови
  • 1 лажица павлака

Подготовка:

Сите состојки добро се мешаат. Маската се држи на лице околу 15 минути и се мие.

3. Морков + жолчка + маслиново масло + овесни снегулки

Состојки:

  • 5 лажици сок од моркови
  • Една жолчка
  • 1 кафена лажичка маслиново масло
  • 1 лажица смелени овесни снегулки

Подготовка:

Сите состојки се мелат во блендер и потоа добро се мешаат. Маската се нанесува на чисто лице и се држи половина час. Се измива со топла вода.

4.Варен морков

Состојки:

  • 2 лажици варен моркови, исецкан
  • 1 лажица мед

Подготовка:

Прво сварете го морковот и измиксајте го во блендер заедно со медот. Добиената смеса нанесете ја на чисто лице да отстои околу 20 минути. Потоа измијте ја со топла вода.

 

Вљубеничка во здравата исхрана и науката, сака да чита литература од разни жанрови и обожава медицина