Одлични вежби за истегнување на стапалата и грбот

Носењето високи потпетици може да нанесе големи проблеми на стапалата, како што се болки во петите, болни воспалени ткива, скратена Ахилова тетива и многу други. Ако често носите високи потпетици, испробајте ги овие вежби секојпат кога ќе ги собуете. На овој начин ќе ги намалите оштетувањата, а болката со тек на време ќе стане помала и поподнослива.

1. Ротирање на зглобот

 
Ова истегнување помага да се намалат грчевите. Ротирајте го секој зглоб во правец на стрелките на часовникот и обратно неколку пати. Бројот е неограничен, така што оваа вежба можете да ја правите безброј пати.

2. Масажа на табаните

 
Земете топче за тенис, лименка или шишенце со вода и со стапалото застанете на него. Масирајте ги табаните, така што ќе го поместувате предметот во сите правци. Оваа вежба помага за ослободување на тензијата и при воспаление на плантарната фасција (повреда на делот од тетивата или лигаментот кој се наоѓа долж табанот, од петата кон прстите).

3. Истегнете ги прстите на нозете
Истегнете ги прстите на нозете нанапред и наназад и добро измасирајте ги петите. Ова ќе ја врати природната положба на стапалото, кое воглавно е згрчено и променето при носењето на високите потпетици.

4. Истегнете ги листовите

Скратените мускули на листовите и на Ахиловата тетива се честа нуспојава од често носење на високи потпетици, така што нивното истегнување е задолжително! Едната нога ставете ја пред другата, а потоа свиткајте се кон коленото кое е напред и подигнете ги прстите, потпирајќи се на петата. На овој начин ќе ги истегнете мускулите на листот. Потоа променете ја страната.

Честа грешка кај оваа вежба е да дозволите табанот да ви ,,падне,, на подот при истегнување на листот. Ваквата грешка може да предизвика плантарна фасција. Поради тоа пости и друг вид на истегнување: подигнете го стапалото на ногата која е одзади, тежината префрлете ја повеќе кон надворешната страна на стапалото и обидете се да го подигнете палецот, со цел тетивата подобро да се истегне. Сета тежина префрлете ја нанапред и останете во таа положба околу 15 секунди, а потоа сменете ја ногата.

Едноставна вежба за истегнување против болка во грбот

Ако поголем дел од денот го минувате во канцеларија, седејќи на компјутерот или често сте во автомобил, ќе почувствувате силни болки во долниот дел од грбот кој со тек на време станува се посилна и посилна. Ова е едноставна вежба за опуштање која ќе ги ублажи болките во грбот. Можете да ја правите наутро, пред да заминете на работа, бидејќи не одзема многу време.

• Седнете на под со раширени нозе.
• Свиткајт ги колената така да биат малку пошироки од рамената, а стапалата свртете ги кон надвор.

• Спуштете го горниот дел од телото помеѓу колената, а рацете ставете ги на подот, пред себе. Ако сте доволно раздвижени, спуштете се така што со подлактиците да го допрете подот. Опуштете ги рамењата и трудете се нозете да ви останат во почетна положба, односно да не се лизнат.

• Останете 30 секунди во оваа положба.