Обликувано тело за 2 недели:Топ вежби за секси стомак и задник
ВЕЖБА ЗА ЗАТЕГНУВАЊЕ И ОБЛИКУВАЊЕ НА СТОМАКОТ И ПОЛОВИНАТА
Легнете на десната страна, со лактот потпрете се на подот. Левата нога префрлете ја пред десната, а потоа почнете да го поткревате телото, се додека не почувствувате затегање во стомакот. Левата рака свиткајте ја пред стомакот, а потоа движете ја кон горе и испружете ја. Вежбата повторете ја трипати. За сето тоа време мора да останете во истата позиција. Истото направете го и на другата страна.
ВЕЖБА ЗА ОПУШТАЊЕ
Седнете на под, испружете ја левата нога, а десната свиткајте ја во коленото и префрлете ја преку главата. Горниот дел од телото свртете го кон десно, десната рака ставете ја зад телото, а лактот од левата рака потпрете го на коленото од десната нога. Потоа полека почнете да ја вртите главата во десно, додека не почувствувате затегнување во половината т.т. затегнување на напречните стомачни мускули. Избројте до 30, потоа опуштете се. Вежбата повторете ја уште еднаш. А потоа истото направете го и на другата страна.
ВЕЖБА ЗА ЗАЦВРСТУВАЊЕ И ЗАТЕГНУВАЊЕ НА СТОМАКОТ И ЗАДНИКОТ
Потпрете се на левата нога, така што со телото да формирате агол од 90 степени. Десната нога испружете ја наназад. Рацете ставете ги пред градите, така што да ги споите дланките и лактовите. Обидете се да ја свиткате левата нога и да ја испружите додека за сето време сте исправени. За време на изведување на вежбата, затегнете ги стомакот, грбот и задникот. Повторете ја вежбата петпати и на двете нозе.
ВЕЖБА ЗА ОПУШТАЊЕ
Потпрете се на левата нога, а десната свиткајте и префрлете ја над коленото од десната нога. Десната рака потпрете ја на коленото од десната нога, а левата рака на стапалото од десната нога. Горниот дел од телото поткренете го кон нанапред и затегнете ги рамената наназад. Задржете ја таа положба 20 секунди, а потоа опуштете се. Повторете двапати на двете страни.
ВЕЖБА ЗА ЗАТЕГАЊЕ НА СТОМАКОТ
Легнете право и затегнете го стомакот. Ставете ја раката на средина од главата и почнете да се кревате со цело тело кон горе. Карлицата туркајте ја нанапред и затегнете го стомакот. Оваа вежба правете ја неколкупати на ден, бидејќи е одлична за затегнување на стомак.
ВЕЖБА ЗА ОПУШТАЊЕ
Легнете на стомак. Колковите мора да бидат ,,залепени,, за подот. Подигнете го горниот дел од телото. Рацете испружете ги кон нанапред и поткренете ја брадата. Подигнете ги рамената, се додека не почувствувате затегнување. Потоа опуштете се и повторете ја вежбата уште двапати.
Ако ваквиот тренинг не ви е напорен, можете да ги зголемите повторувањата на секоја вежба за подобри резултати. За кратко време ќе забележите како вашиот стомак станува рамен и цврст од ден во ден. Со овие неколку едноставни вежби можете да го постигнете саканиот облик на вашиот абдомен и дома. Инструкторите само советуваат да не ги започнувате вежбите за стомак додека не поминат 2 -3 часа по јадење. Важно е и да се прават точно според упатствата, така што да се почувствува секое придвижување на мускулите. И, за крај, немојте да се разочарувате веднаш ако не можете да направете некоја вежба. Со тек на време се ќе оди полесно. Важно е – да не се откажувате.
