Најдобри вежби кои можете да ги практикувате кога имате болки

Кога имате болки, последно нешто што сакате да го правите е да вежбате. Но, луѓето кои страдаат од различни болки, многу полесно ќе ги контролираат симптомите , доколку вежбаат барем неколку минути секој ден. Подолу се некои типови на вежби кои можат да ви помогнат да се придвижите и да се чувствувате подобро.

Пливање

Доколку имате болки во зглобовите, влегувањето во  вода може да биде добар начин да ги ублажите болките. Леснотијата на телото под вода ги олабавува зглобовите. Пливањето е исто така добро за горните зглобови , помагајќи да се задржат вашите колена флексибилни. Вежбањето во вода може да биде во форма на аква- аеробик , други вежби во вода, па дури и само одење во базенЕдно истражување во 2011 година покажало дека вежбањето во вода има мала до умерена корист на различни форми на болка, вклучувајќи ревматоиден артритис, болки во мускулите , болки во грбот и остеоартритис .

 Возете велосипед

Без разлика дали ќе го возите стационарниот велосипед во вашата дневна соба или ќе возите на отворено, возењето на велосипед ќе ви обезбеди не само губење на тежината,туку при возењето на велосипед се ослободуваат и хормони на среќата како што е ендорфинот. Луѓето кои имаат артритис на колената може да имаат некои проблеми со возењето на велосипед, па бидете сигурни дека седиштето ви е наместено на правилната височина. Во оваа ситуација, малку легнат велосипед е вашиот најдобар избор. Тој е добар, бидејќи седиштата се анатомски и му пружаат поддршка на вашиот ‘рбет.

Вежбање со тежини

Вежбањето со тежини се чини дека е корисно за оние кои имаат болки, вклучувајќи ги и луѓето со ревматоиден артритис, но таа програма за вежбање треба да се практикува видоизменето и во умерени количини. Мислете на вежбањето со тежина како на земање на потребната дневна доза витамини. Кога сте помлади, сакате да изгледате добро во костим за капење или да имате големи бицепс. Како што стареете, мора да го гледате вежбањето, како еден вид на лек.

Пешачење

Пешачењето може да биде тешко доколку имате болки во колената и стапалата, но ако можете да пешачите, овој вид на вежба ќе ги зајакне мускулите околу колената и ќе ви помогне да ги заштитите зголобовите. Ако вашите бутен мускул или квадрицепсите се во добра состојба, тежината на спустот на стапалата ќе се оттргне од вашите колена. Ако мускулите се во лоша состојба, не можат да го апсорбираат шокот и болката се пренесува на зглобовите и предизвикува воспаление. Но, доколку само пешачите од вашиот автомобил до влезната врата, нема да бидете во можност да ги искористите придобивките од оваа вежба , бидејќи веројатно нема да добиете некаков кардиоваскуларен ефект.

Џогирање и трчање

Активностите со висок интензитет, како што се џогирање или трчање може да бидат тешки со оние во болки во зглобовите, како и за оние кои страдаат од хронична болка. Доколку вашиот физиотерапевт одлучи дека оваа е соодветна вежба за вас, можете да го намалите стресот врз зглобовите со помош на специјални спортски чевли, и тоа оние кои имаат 5 прсти како ракавица. Тие се многу побезбедни и за колената и другите зглобови. Добрата работа во врска со аеробните активности како што се пливањето, велосипедизмот и трчањето е тоа што го зголемуваат протокот на крв низ вашето тело, однодно ја подобруваат циркулацијата. Подобрената циркулација ги намалува цитокините, молекулите кои се склони кон воспаление.