Најдобри намирници за подобар раст на мускулите

Сигурно веќе имате размислувано што да јадете пред тренинг. Добро осмислемиот оброк по тренинг, богат со хранливи материи, како што се протеини и јагленохидрати, може да ви помогне во полесно остравување на целта. На тој начин ќе му помогнете на телото помалку да ги разградува протеините од мускулите, да го стимулира брзиот раст на мускулите и да го забрза нивното закрепнување.

Што и колку да се јаде по тренинг?

Оброкот по тренинг треба да вклучува комбинација од јагленохидрати, протеини и здрави масти. Калориски, тој би требало да изнесува околу 50% од оние калории кои сте ги потрошиле со вежбањето. Било да вежбате за да загубите од вишокот телесна тежина или да ја оддржите таа што ја имате, ако јадете препорачани количини од одредена храна, ќе ги постигнете своите резултати.

Јагленохидрати (60%)

• сладок компир
• чоколадно млеко
• киноа
• овошје (ананас, бобинки, банана, киви)
• ориз
• зобена каша
• темнозелен лисјест зеленчук

Протеини (25%)

• Протеински прав од животинско или од растително потекло
• јајца
• грчки јогурт
• сирење
• лосос
• пилешко месо
• туна

Масти (15%)

• авокадо
• јаткасто овошје
• путер од јаткасти плодови
• комбинацијата од горенаведените намирници може да направи одлични оброци, кои ќе ви ги дадат сите потребни хранливи материи по вежбањето. Обидете се оброкот да го изедете во рок од 45 минути по тренингот. Сепак, имајте предвид дека времето за оброкот зависи и од тоа што и колку сте изеле пред тренингот.

Сурутка

Една лажица сурутка во прав содржи подеднакво протеини колку и едно парче пилешки гради. Таа му дава на организмот инјекција инсулин, поттикнувајќи ги на тој начин мускулите да ја апсорбираат гликозата и да ја надоместат загубената енергија. За тоа време, лактоферинот од сурутката му дава природен поттик на имунолошкиот систем. Таа ќе ви помогне и за побрзо губење на вишокот килограми.

Јајца

Тие се целосен извор на протеини и златен стандарс на диетата на секој атлетичар. Нискокалорични се, а ги содржат сите девет есенцијални аминокиселини од синџирот на аминокиселини кои влијаат врз намалување на оштетувањата на мускулите. Не ја одбегнувајте жолчката. Таа е богата со протеини, витамин Д и омега-3 масни киселини.

Авокадо

Авокадото е одличен додаток на јајцата. Освен здрави масти, кои се од пресудна важност за апсорпција на витамините А и Е, тоа го содржи и витаминот Б, кој му помага на телото да ги метаболизира сите здрави јагленохидрати и протеини кои сте ги внесле.

Сладок компир

Слаткиот компир е многу добар извор на јагленохидрати и хранливи материи. Тој е супер храна кој го поттикнува брзото заздравување на мускулите по вежбањето и со своите влакна дава долго време ситост дури и некое време по вежбањето. Слично делуваат и другите намирници кои се богати со бета каротен (портокалов зеленчук).

Сок од вишни

Антиоксидансите во вишните помагаат многу во теретаната. Секако, овде се мисли само на свежиот сок од вишни, кои во себе ги чуваат скапоцените антоцијанини и флавоноиди.

Зелен чај

Овој чај е одличен поттикнувач на енергијата кога ви е најпотребна, а помага и за полесно согорување на вишокот масти. Содржи силни антиоксиданси кои помагаат да се метаболиизраат маснотиите и да се елиминираат слободните радикали, кои инаку предизвикуваат воспаление и болка во мускулите. Додадете му малку ѓумбир и уживајте во него.