Лаги за бодибилдингот кои мора да умрат

Лага # 1 – Не треба да добиете на сила за да станете големи

Оние кои вежбаат со тежини не треба да користат програми за вежбање базирани на сила, или да се обидуваат и да додаваат уште едно повторување секој пат кога ќе одат во теретана . Тие не треба да станат многу посилни отколку што се сега. Нема слаби и кревки бодибилдери на највисоко ниво. Овие момци се многу силни, иако тие можеби и не мислат така.

Прогресивното оптоварување има свои придобивки, без оглед на протоколот за вежбање кој го употребувате. Вие не можете едноставно да вежбате, без евентуално да додавате тежина на шипката на некоја форма или начин. Телото ќе се прилагоди на барањата на секој приод многу брзо, и ќе нема причина да расте, освен ако не додадете повеќе отпор со тек на времето.

Најдобрите природни бодибилдери кои вежбаат со години , имаат многу солидни нивоа на сила. Ова ни кажува дека ако сакаме да станеме големи – навистина големи – ќе треба да ставиме некоја тежина плус на шипката порано или подоцна.

Лага # 2 – Може да станете големи како професионален бодибилдер без стероиди; само е потребно време

Ова е комплетна и крајна бесмислица. Без разлика колку ” верувате”, и колку „напорно вежбате”, ова нема да се случи.

Ако мислите поинаку, тогаш е време да присуствувате на професионален натпревар на природни бодибилдери, кои не користат било какви допинзи. Овие природни професионални натпреварувачи вежбаат по 5, 10, 15, 20 и повеќе години. Тие вежбаат поинтензивно и понапорно отколку што повеќето од нас некогаш ќе вежбаат, но сепак заостануваат светлосни години зад големината на IFBB професионалците.

Всушност, повеќето од природните професионалци ( со просечна височина ) имаат среќа да стигнат 80-82 килограми. Поголемиот дел од природните професионални бодибилдери се натпреваруваат во категоријата помеѓу 75-80 килограми. Најдобрите од најдобрите успеваат да дојдат до 85-90 килограми, но се повеќе од тоа е чиста фантастика.
Природната физиологија на телото ја спречува акумулацијата на големи количини на мускулно ткиво. Телото не е создадено да се шири до бесконечност, како некој огромен балон.

Лага # 3 – Треба да живеете во теретаната за да постигнете некаков напредок

Доколку вежбате 60 минути и вашите напори не даваат резултати , нема поента да вежбате подолго од овој период. Доколку вашите фитнес напори не вродуваат со плод и посакувате да вежбате повеќе, можеби е време да се фокусирате на квалитетот пред квантитетот.

Дали ја максимизирате секоја серија ? Ако не, треба го сторите тоа. Која е поентата на изведување на сетовите, ако не се обидувате да ги претворите во продуктивни напори за изградба на мускули?

Направете секоја серија да биде важна, и стартувајте го вежбањето доследно и со кратки паузи помеѓу сериите. Вежбајте според сопствениот програм, останете фокусирани и најверојатно нема да Ви биде потребен повеќе од еден час до 75 минути најмногу кревање тежини во одредениот ден за вежбање.

Лага # 4 – Најдобар е фитнес програмот на професионалните бодибилдери

Тоа редовно се случува во спортските сали низ целиот свет. Некој новопечен бодибилдер ќе му пријде на ликот кој изгледа како атракција од Jurassic Park и ќе го праша како и што тој вежба. Најголемиот лик од теретаната е обично добро генетски надарен или користел некој од “додатоците “.

Типот кој е најдобар бодибилдер во вашата теретана е оној кој најмногу напредувал и постигнал најголем напредок преку природни техники. Оваа личност веројатно не се претренирала, го задржала бројот на серии под контрола и има одлична форма на изведување на вежбите.

Многу професионални бопдибилдери прават безброј серии – онолкушто во голема мера ја надминуваат способноста на просечниот човек. Ако просечниот човек би ги следел овие рутини, би почнал полека да ги губи мускулите или во најдобар случај да напредува со брзина на полжав.

Лага # 5 Можете да пораснете ако работите на секоја мускулна група само еднаш неделно

Една студија од мај 1993 година (Journal of Physiology) открила дека на мускулната група може да и се потребни и до две недели за целосно да се опорави од интензивното вежбање. Студијата вклучила група на мажи и жени кои ги тренирале лактите до максимум . Сите тие имале воспаленија два дена по тренингот , и воспалението траело до седмиот ден, а отекувањето исчезнало по деветтиот ден.

По шест недели, субјектите добиле само половина од силата што ја имале пред првата вежба.

Се разбира, не треба да правите паузи од два месеци помеѓу тренинзите, но на мускулите им треба многу повеќе време да се опорават отколку што мислите. За природните вежбачи една недела одмор помеѓу вежбањето е веројатно полн погодок.

Лага # 6 Не постои претренираност, повеќе вежбање = поголем раст

Не, не и не. Ова е еден од најголемите митови поврзани со вежбањето. 95 % од професионалните бодибилдери ќе ви кажат дека најголемата грешка во нивната кариера била претренираноста , дури и со употреба на анаболни стероиди. Замислете тогаш колку е лесно природните вежбачи да се претренираат. Кога тренирате пречесто, без да им дадете на мускулите време да се опорават, резултатот ќе биде нула напредок , или дури и губиток. Секојдневното вежбање, со силен интензитет, ќе ве доведе на конецот до претренираност . А еден дел од телото, соодветно трениран, до целосно откажување на мускулите, може да се опорави за 5-10 дена.

Ако одиме чекор понатаму, дури и тренирањето на други мускулни групи во следните неколку дена би можело да предизвика претренираност . На пример : Ако навистина ги извежбате квадрицепсите до потполно заморување на мускулните влакна, а следниот ден изведувате една од комплексните вежби на сила, како што се мртвото дигање или потисок на клупа, многу е можно да го спречите растот. Како тогаш по напорниот тренинг на нозете, следниот ден ќе си обезбедите соодветен одмор ? Нема да можете , барем не без ” додатоци “, кој ќе ги спречат катаболичкитепроцеси во телото .

Научете да го цените одморот како една исклучително важна целина во вашата програма.

Лага # 7 – Никогаш не треба да јадете повеќе од 150 грама протеини дневно

Неколку истражувања открија дека за јакнење на мускулите, навистина не морате да внесувате повеќе од 150 грама протеини дневно за да изградите мускули.

Но има и друга вистина : само затоа што на просечниот вежбач со тежини не му се потребни повеќе од 150 грама протеини дневно за да изградат мускулна маса, не значи дека тие никогаш не треба да јадат повеќе од 150 грама протеини дневно. Постојат неколку причини за да јадете повеќе протеини.

Прво, нема никаква штета доколку играте безбедно и внесувате малку повеќе протеини, да речеме 180-220 грама на ден. Започнувате да вежбате за да изградите мускули, а не за да играте на сигурно. Подобро да јадете малку повеќе протеини секој ден, како еден вид полиса за осигурување.

Второ, ако консумирате многу храна секој ден, би требало да ја балансирате својата доза на различни хранливи материи, за ваше добро. Еден бодибилдер во своите рани 20-ти години, на кој му се потребни 4000 калории дневно за да расте, не треба да се врзува за 150 грама протеини и 600 грама јаглехидрати. Би требало да се јаде порамномеро, да речеме 200-250 грама протеини и 500-550 грама јаглехидрати .