Корисни фитнес совети кои ќе ви помогнат да изградите мускули, изгубите масти и станете подобар атлет

Ако сте во фитнес и бодибилдинг светот веќе некое време, веројатно сте прочитале или слушнале многу информации за вежбањето, исхраната и суплементите на интернет, во списанија или на телевизија … Некои од нив се многу корисни, но за жал, повеќето од нив се и збунувачки и погрешни. Често пати, кога луѓето се соочуваат со многу информации, тие можат да изберат лош совет, па дури и да изберат да не прават ништо, воглавно, бидејќи се збунети и не знаат што е добро, а што лошо за нив. Значи, доколку сте почетници – еве неколку фитнес совети кои ќе ве однесат на вистинскиот пат. За оние искусните – овие совети ќе ви служат како потсетник и ќе ви помогнат да останете на вистинскиот пат.

1.Сложените вежби се оние вистинските

Изолираните вежби имаат свои предности, но сложените движења се основата на секоја програма за вежбање со тегови и имаат апсолутно витално значење врз вашиот успех. За да биде изведена, секоја сложена вежба бара ангажман на повеќе мускулни групи и го стимулира производството на анаболните хормони Тестостерон и Хормонот за раст во процесот на нејзиното изведување. Сложените вежби вклучуваат мртво дигање, вежби на бенч клупата, склекови, clean and press…. Немојте да ги занемарувате сложените вежби доколку посакувате тело кое ќе се издвојува од толпата.

2. Променете ја рутината на вежбање од време на време

Избраната рутина за вежбање може да ви одговара, но нема да ви одговара засекогаш. Порано или подоцна вашето тело ќе се навикне на стресот преку кој поминува. Ова е моментот кога ќе треба да промените нешто во вашата сегашна рутина – да ја зголемите тежината која ја кревате, да го зголемите бројот на повторувања, да ги смените вежбите или ако вежбате на напредно ниво, може да се обидете со некои од напредните трикови за да стимулирате мускулен раст.

3. Вежбајте ги нозете доколку сакате да расте горниот дел од телото

Иако ова може да изгледа збунувачки, но ајде размислете, зошто треба да ги вежбате нозете? Речиси 70% од вашата мускулна маса е во вашите нозе. Нивното вежбање ќе ви помогне за целосен мускулен раст. Како што споменавме порано – изведувањето на мртво дигање и чучњеви ќе предизвика ослободување на анаболни хормони кои ќе помогнат за раст и на други места на телото, а не само нозете.

4. Исхраната игра поголема улога отколку самиот тренинг

Можете да ја пронајдете и совршената програма за вежбање, но доколку вашата исхрана не е соодветна, за жал, вашето тело нема магично да се трансформира во некое атлетски градено тело. Не велиме дека вежбањето нема влијание врз тоа како ќе изгледате и како ќе изгледате и како ќе се чувствувате, но исхраната е најголем фактор за тоа колку атлетски ќе изгледате. Сакате да бидете слаби, силни и здрави? Пружете и го на вашата исхрана вниманието што го заслужува. Осигурајте се да си ја обезбедите вистинската количина на калории преку комбинација на протеини, масти и јаглехидрати. Исто така, во вашата исхрана внесете и влакна и микронутриенти.

5. Протеини + прости јаглехидрати веднаш по тренингот ќе направат разлика

По интензивниот тренинг, вашите мускули се гладни за протеини и вашиот гликоген е истрошен. Можете да ги зголемите придобивките од вашиот тренинг преку хранење на вашите мускули со оние нешта кои им се потребни.

6. Додадете кардио вежби во вашата програма за вежбање

Кардио вежбите можат да бидат многу корисни за вас. Тие пред се, можат да го подобрат вашето целокупно здравје и да ви помогнат да ги постигнете вашите фитнес цели побрзо. Кардио вежбите ќе го забрзаат губењето на мастите и ќе ја зголемат вашата чувствителност на инсулин. Само не заборавајте да не претерувате со кардио вежбите – многу часови на лентата за трчање или на статичниот велосипед нема да ви бидат од корист. Кратките кардио вежби со висок интензитет ќе ви помогнат за побрзо постигнување на целите.

7. Не е можно да губите масти само на избрани делови од телото

Без оглед на она што го кажуваат на телевизија, не можете изгубите масти само на стомакот, рацете или бутовите. Губењето на масти е резултат на конзистентна и ефикасна кардио програма и план на исхрана, кои предизвикуваат загуба на масти на целото тело.

8. Мажите и жените не треба да прават различни видови на вежби

Кревањето тегови нема да ги претвори жените во тешки или гломазни бодибилдери. Резултатот од кревањето на тежина е што ќе им помогне на жените да имаат послабо, тонирано и секси тело. Високо-протеинските диети и земањето стероиди се оние кои ги претвораат жените во големи и развиени бодибилдери.

9. Кревањето тежини е добра вежба, но одењето во теретана не е секогаш неопходно

Исто така, можете да добиете одлични резултати и доколку вежбате дома. Запомнете, постојат многу вежби кои одлично можете да ги изведете и дома.

10.Загревајте се 10 минути

Се препорачува загревање од десет минути пред да започнете со тренингот. Ова ќе ви помогне крвта збогатена со кислород да дојде до мускулите и му овозможува на циркулаторниот систем постепено да премине на зголемена побарувачка за истите. Доброто загревање, едноставното одење по лентата за трчање или во место, го подготвува телото за она што го очекува во текот на вежбањето.

11. Повторувањето е мајка на знаењето

Вашата фитнес цел во голема мера зависи од идеалниот број на повторувања во вашето вежбање со оптоварување. Ако сакате повеќе сила, тогаш треба да правите помалку повторувања со поголема тежина, а доколку сакате повеќе издржливост тогаш ви се потребни повеќе повторувања со помала тежина.

1-5 повторувања се препорачуваат доколку сакате да добиете на сила, а ако целта ви се посилни мускули тогаш идеални се 4-8 повторувања. Доколку сакате да го зголемите обемот на мускулите, тогаш ви се потребни 9-12 повторувања, а повеќе од 12 повторувања ви се потребни доколку сакате поголема мускулна издржливост.

12. Спуштајте ги теговите најмалку четири секунди

Со брзото замавнување со тежините нагоре-надолу, наместо да ги контролирате движењета, вие всушност со секој потег сте се подалеку од целта. Кревањето на теговите за две секунди и нивното спуштање за повеќе од четири секунди, им дозволува на мускулите да ја направат целата неопходна работа за зајакнување.

13. Пожелни се седум часа сон

Недостатокот на сон го зголемува ризикот од дијабетес тип 2 и проблеми со срцето. На просечна возрасна личност и се потребни помеѓу седум и девет часа ноќен сон. Ако наутро станувате поуморни отколку што сте легнале, можеби би требало да пресметате колку часа сон ви се потребни. Во една недела, соберете ги сите часа спиење, вклучувајќи го и дневниот одмор, па добиената бројка поделете ја на 14. Доколку добиениот износ е помал од 7, потребно ви е повеќе сон.