Како да останете витки со помош на влакна?

Овие едноставни совети ќе ви покажат како со помош на влакната да ги загубите масните наслаги. Зошто секој човек треба да води сметка за влакната? Многу важна причина, посебно како што старееме, е редовноста. Пред да продолжиме, прво ќе кажеме дека постојат два типови на влакна: растворливи и нерастворливи.

Нерастворливи влакна

Некогаш ги нарекувале „природни метли“ бидејќи нерастворливите влакна помагаат храната побрзо да се движи кон дигестивниот тракт. Со оглед на тоа што организмот нема ензими со кои ќе ги разгради нерастворливите материи, несварливите влакна создаваат топчиња, кои ја туркаат несварената храна низ цревата. Тие се наоѓаат во пченичните трици и во семките на овошјата и зеленчукот. За овие влакна исто така се верува дека го намалуваат ризикот од рак на дебелото црево и дивертикулоза.

Растворливи влакна

Од друга страна, растворливите влакна не прават поздрави, бидејќи во комбинација со водата во цревата создаваат супстанција слична на гел, која ја одложува апсорпцијата на шеќерот и се врзува со некои масти и холестеролот во тенкото црево, спречувајќи ја нивната апсорпција. Ако се обидувате да ја одржите телесната тежина или да загубите по некој килограм, ваквата способност на овие влакна за да лепат на себе е многу корисна.
Зобот, зобените трици, семето од лен, гравот, морковите, јаткастото овошје бобинките, јаболката, портокалите, крушите се добар извор на влакна кои помагаат да се намали лошиот холестерол, да се намали нивото на шеќер во крвта и да се контролира телесната тежина. Една неодамнешна студија спроведена во болницата на Сент Џон Универзитетот и објавена во Британскиот журнал за нутриционизам открила дека испитаниците кои консумирале растворливи влакна два пати или три пати дневно загубиле околу четири килограми повеќе и се чувствувале повеќе сити по оброците од оние кои јаделе помалку растворливи влакна.
Додека еден типичен Американец јаде само колу 15 грама влакна дневно, активните мажи би требало да внесуваат 25 – 30 грама од нив. Иако ова можеби звучи како голема количина, всушност не е воопшто тешко да се исполни нормата ако го прифатите препорачаниот минимум од две овошни порции, три порции зеленчук и шест порции житарки, од кои најмалку три треба да содржат цели зрна, како што е на пример пастата од цело зрно житарки или кафеавиот ориз.

Одбегнете ги гасовите

Кога го зголемувате внесувањето на влакна, најдобро е тоа да го правите постепено, со цел да го одбегнете создавањето на вишок гасови. Ако внесувате околу пет грама дневно, вашиот организам постепено ќе се адаптира и гасовите нема да ви претставуваат проблем.

Суплементи?

Едноставно е да се внесат во организмот сите влакна кои ви се потребни ако имате урамнотежена исхрана, но кога тоа не е случај, суплементите за влакна се користат како нивна алтернатива. Барајте суплементи кои обезбедуваат три до пет грама влакна и земајте ги двапати дневно, со цел да го зголемите внесувањето на влакна за 6 до 10 грама. Нутриционистите советуваат да се зема по еден суплемент кој содржи влакна од тегавец, кој помага во намалувањето на холестеролот кога во исхраната внесуваме мала количина заситени масти. Притоа, не треба да заборавите да внесувате многу течности – најмалку осум чаши на ден.
Треба да биде лесно да ја исполните својата дневна доза на влакна од 25 – 35 грама доколку комбинирате намирници од оваа листа:

Напомена: сите порции, освен ако не е поинаку назначено, се однесуваат на еден филџан