Да тргнеме со комплетна анализа на една нутритивна табела (оваа сигурно ќе ја препознаете, бидејќи во 99% се наоѓа на заднината на многу популарни суплементи).

Каде се наоѓаат нутритивните табели?

Обично ги има на задниот дел од амбалажите. Ги нема само кај свежата храна (овошје, зеленчук, меса).

Ознака број 1

Serving size (Големина на порција)
Големина на порција всушност претставува една доза од производот. Сите наведени хранливи вредности на етикетата се базираат на оваа количина.

Servings per container (Број порции по производ)
Број на порции по производ го претставува вкупниот број на порции кои можете да ги добиете во едно пакување од производот.

 

Ознака бр. 2

Amount per serving (Количина по порции)

Покажува колку треба да изедете за да добиете одредена количина на нутритиенти, масти и калории од производот.

Calories (Калории)
Калории се единици енергија кои потекнуваат од јагленохидратите, протеините и масите.

Calories from fat (Калории од масти)
Калориите од масти го претставуваат вкупниот број на калории кои потекнуваат од мастите.

Ознака бр. 3

% Daily Value (% на дневните вредности)

% на дневни врености го претставува процентот на препорачаните дневни вредности на хранливи материи по порција (доза).

Total fat (Вкупно масти)

Мастите се од суштинско значење за нашето тело. Постојат 4 видови.

Мононезаситените и полинезаситените масти се вид на масти кои се здрави.

 

tabela

 

Saturated fat (Заситени масти)

Заситените масти се вид на масти кои се состојат од триглицериди, кои содржат само заситени масни киселини. Кајмакот, масните меса, сланината, чоколадите содржат висок процент на вакви масти. Затоа, ограничете го консумирањето на заситени масти.

Trans fat (Транс масти)

Транс мастите се вид на масти кои настануваат на високи температури (некои видови маргарини, долготрајни пецива или бисквити). Не се здрави и треба да се одбегнуваат.

 

Cholesterol (Холестерол)

Холестеролот се наоѓа само во храната од животинско потекло, додека го нема во храната од растително потекло. Жолчките, полномасното млеко, внатрешните органи, рибјата икра се богати со холестерол.

Sodium (Натриум)

Натриумот ја претставува количината сол во една порција. Треба да се одбегнува да се внесуваат големи количини сол.

Total Carbohydrate (Вкупно јагленохидрати)

Вкупната количина јагленохидрати која се наоѓа во една порција.

 

Dietary fiber (Диетални влакна)

Диеталните влакна се несварливи јагленохидрати, и како такви помагаат за регулирање на дигестијата. Житарките од цело зрно, зеленчукот и овошјето се богати со влакна.

Sugars (Шеќери)

Сварливи јагленохидрати кои обезбедуваат инстант енергија. Треба да се ограничи консумирањето на овие јагленохидрати.

Protein (Протеини)

Вкупната количина на протеини во една порција.

 

Ознака бр. 4

Vitamin A, vitamin C, calcium, iron (Витамин А, Ц, калциум, железо)

Процентот на дневни вредности од витамин А, витамин Ц, калциум и железо кои се наоѓаат во една порција. На етикетата можат да бидат наведени и други витамини и минерали.

 

Ознака бр. 5

Footnote with daily values (Фуснота со дневни вредности)

Фуснотата дава информации за дневните вредности на макро и микро нутритиентите кои се базирани на дневната исхрана од 2000 калории. Вашето вкупно дневно калориско внесување може да биде поголемо или помало. Запомнете дека 2000 калории се просек.

 

За што ни користат нутритивните табели?

Со помош на нутритивните вредности имаме увид во нутритивните вредности на одделни намирници, а тоа ни овозможува правилно да одбереме кои ќе ги користиме во нашата исхрана. На пример, ако се двоумиме помеѓу повеќе видови леб, ќе го одбереме оној кој според нутритивната табела содржи повеќе влакна. Притоа е многу важно да ја гледате големината на порциите. Сите податоци во нутритивната табела се дадени во однос на една порција (доза). Ако не знаеме колкава е количината во одделна порција тогаш нема да знаеме ни колку од што внесуваме.

 

 

Вљубеничка во здравата исхрана и науката, сака да чита литература од разни жанрови и обожава медицина