Чоколадна торта со круши
Состојки:
85 гр. путер
- 85 гр. шеќер
- 85 гр. темна чоколада без глутен
- 1 лажица ракија
- 3 јајца
- 85 гр. мелени лешници
- 4 излупени и исечени на половина круши
Подготовка:
Загрејте ја рерната на 180°C. Тава со пречник од 25 см обложете со хартија за печење, намачкајте ја со путер и посипете ја со шеќер.
Чоколадата и путерот истопете ги на пареа. Додадете им ја ракијата и оставете да се олади. Жолчките од јајцата изматете ги со шеќерот и во оваа смеса додадете ја оладената чоколада и мелените лешници. Во оваа смеса додадете ги и белките, кои претходно исто така ќе ги изматите. Ставете ја смесата во тавата за печење и врз неа наредете ги крушите. Печете 40 минути.