Лонец со грав и тиквички
Состојки:
- 1 главица кромид
- 1 главица лук
- 2 лажици масло
- 1,3 л. зеленчукова супа
- 350 гр. грав
- 400 гр. тиквички
- 1 страк праз
- 2 моркова
- 200 гр. целер
- црн пипер
- 1-2 прстофати мелено пименто
- 200 гр. димено тофу сирење
- сол
Подготовка:
Лукот и кромидот исчистете ги и иситнете ги ситно. Динстајте ги на тивок оган на маслиново масло додека не позлатат. Додајте ги зеленчуковата супа и гравот. Загрејте ги до вриење, а потоа варете ги околу 1 час. Во меѓувреме исчистете го останатиот зеленчук. Празот исечете го по должина и насецкајте го на тенки ленти, а морковите, целерот и тиквичките на тенки кругови со дебелина од еден сантиметар. Потоа додадете ги во гравот. Зачинете со пиментото и со црниот пипер. Варивото оставете го да се вари уште 20 минути покриено, додека не омекне гравот. Тофуто исечете го на коцкички и додадете го во варивото. Нека се вари околу 2-3 минути. На крајот зачинете го варивото со сол, а по желба и со други зачини.


