7 главни предности на кросфит тренингот
Во последните 15 години, најголема помпа во фитнес индустријата предизвика калифорниската тренинг програма која на одличен начин го комбинира интерванлиот тренинг со олимпиското кревање тегови, а која се нарекува ,,Кросфит,, (,,CrossFit,,) Иако се смета за понапреден облик на тренинг и бара од оние кои го практикуваат да имаат одредено ниво на физичка подготвеност, кросфитот секако има многу полезни ефекти врз телесното здравје и е одличен за оддржување на кондицијата и силата. Меѓутоа, многу е битно да се нагласи дека секој оној кој сака да се занимава со кросфит мора пред се да го слуша своето тело и да ги познава сопствените граници.
Ова се предностите кои ги овозможува кросфит тренингот.
Интензитет
Кросфитот е интензивен тренинг со брзо темпо, кое може да трае помалку од 15 минути дневно, бидејќи тој четврт час е исполнет со разни движења, без застанување. Тренингот може да се состои од три или четири комбинирани вежби, како што се чучнување-склек (анг. –burpee), џогинг и чучнувања. Концептот е така осмислен, што овие вежби постојано се повторуваат во текот на тренингот. Затоа, слободно можеме да го наречеме концентриран збир од вежби кои го согоруваат системот, но на добар начин.
Мотивација
Клучна работа кај кросфит тренингот е интензитетот, кој е скриен со фактот што телото постојано се тера на максимум во текот на времетрањето на секоја вежба. Сите сакаат одлични резултати, но не се трудат максимално да дојдат до нив. На класичниот тренинг со тегови во теретана е лесно овде-онде да се зголеми паузата меѓу сериите или да се мами за време на изведување на вежбите, но тоа е неизводливо да се направи кај кросфит тренингот, бидејќи тој е така осмислен, што може да се направи само на еден начин, а тоа е да се даде максимумот од себе.
Временски ефикасен
Во времетраење од 15 минути и 20 минути треба да се направи најголем можен број на рунди по кружниот тренинг. До крај од тренингот ќе потрошите повеќе калории отколку при класичниот тренинг, токму поради споменатиот интензитет и напор.
Динамични вежби
Понекогаш е тешко да се опишат овие вежби, бидејќи тие се мултидимензионални. Додека се прави кросфит тренингот, не се пумпаат само мускулите или не се искачувате само на степер. Ова не е основа на кружен тренинг. Станува збор за програма која комбинира повеќе различни видови вежби кои го ангажираат телото до максимум.
Лично тренирање
Сите кросфит часови се водат од страна на тренер кој се грижи за правилно изведување на вежбите, кој дава поттик, кој модифицира, го оддржува нивото на тренинг на одредено ниво и дава ,,слободен круг,, кога ќе види дека некој нешто не прави правилно или не се труди доволно. Тренерот станува инспирација, советник, ментор, ортак, нутриционист и најдобар навивач.
Здравје на срцето
Нивото на очукувања на срцето останува високо за време на целиот тренинг, што ја зголемува издржливоста. Научните истражувања покажуваат дека кај учесниците на кросфит тренингот бројот на отчукувања на срцето бил подигнат за 90% од максималната вредност, што се оддржувало за време на два такви тренинзи. Некое општо фитнес правило гласи дека максимумот на срцеви отчукувања се движи од 64% до 94%, со цел намногу да се подобри кардио издржливоста.
Зголемена подвижност на зглобовите
Ова е резултат на различни функционални движења кои се изведуваат за време на овој тренинг. Не се изведуваат едноставни движења, туку екстремитетите се движат во сите можни правци. Исто така, кога ќе се научи правилно да се подигаат тешки предмети од подот и да се држат над главата, со тоа значително се намалува ризикот од повреди во секојдневниот живот.
