10 ефикасни вежби за симнување на салото од стомакот и задникот

Сите ние се грижиме за нашиот изглед. Со цел да постигнеме што подобар изглед, онаа ,,идеална линија,, се свртуваме кон диетите. Повеќето од диетите ветуваат согорување на илјадници килограми и совршена фигура за кратко време – некои се ефикасни, некои се. Но, дали е навистина можно да го забрзате метаболизмот и да согорите неколку стотици калории секој ден? Некои стручњаци тврдат дека е можно, други се доста сомнителни по ова прашање. Но, кога зборуваме за слабеењето, секако постои природен начин, за кои со сигурност е докажано дека е ефикасен – а тоа е физичката активност. Истражувањата докажале дека некои одредени вежби се навистина одлични кога се работи за губењето на вишокот килограми. Ви претставуваме во продолжение 10 вежби со кои можете да согорите калории и кои ќе ви помогнат во слабеењето. Посебно на најпроблематичните делови – стомакот и задникот.

Вежби за стомак

1.Plank на топка – ставете ги подлактиците на топка за пилатес, а со стапалата потпирајте се на земја. Телото нека ви биде поставено во права линија. Обидете се да останете во оваа положба околу 2 минути, а мускулите во горниот дел од телото нека ви бидат затегнати. Повторете ја оваа вежба 30 пати по три серии.

2.Префрлање на топка – легнете на под и земете ја топката за пилатес во раце. Полека кревајте ги рацете во исто време со нозете. Обидете се да ги напрегнете стомачните мускули колку што можете повеќе и топката од рацете префрлете ја помеѓу нозете. Вратете ја потоа топката во рацете на истиот начин и спуштете ги рацете и нозете на земја. Повторете ја оваа вежба 25 пати по три серии.

3.Ball side plank – легнете на страна со свиткани колена, а со лактите потпрени на подот. Поставете ја топката под стапалата и полека исправајте ги нозете. Со стапалата потпирајте се на топката и обидете се да ги подигнете колковите, така што телото да ви остане сосема право. Подигнете го стомакот и останете во таа положба околу 3 секунди, а потоа вратете се во првобитната положба. Свртете се на другата страна и повторете ја оваа вежба. Повторете ја оваа вежба 30 пати по три серии.

4.Ball Sit ups – седнете на топката, стапалата нека ви останат паралелни на подот. Прекрстете ги рацете на рамената и полека спуштате го торзото наназад, додека не почувствувате дека долниот дел од грбот ја допира топката. Потоа вратете се во првобитната положба. Повторете ја оваа вежба 40 пати по три серии.

5.Супермен на топка – со стомакот потпрете се на топката, свиткајте ги колената под 90 степени и ставете ги рацете на страна. Стапалата цврсто нека ви стојат на подот. Потоа подигнете ги рацете зад главата и спуштете го торзото, додека не почувствувате како сте речиси спуштени до земја. Полека поткренете се и останете во таа положба неколку секунди. Повторете ја оваа вежба 30 пати по три серии.

Вежби за задник

1. Мост со една нога – легнете на грб и поставете ги нозете така што колената да ви бидат свиткани под агол од 90 степени, а рацете ставете ги покрај себе. Стапалата поставете ги рамномерно со подот. Потоа кренете ја едната нога во воздух. Треба да почувствувате како истовремено од подот ви се подига и задникот. Направете го ова и со другата нога. Повторете ја оваа вежба 15 пати по четири серии на секоја нога.

2. Ball side raise – ставете ја топката за пилатес на десната страна и клекнете. Потоа ставете ја десната рака на топката, додека во исто време ја испружувате левата нога во страна. Полека кренете ја ногата во вис и потоа вратите се во првобитната положба. Повторете ја оваа вежба 12 пати по четири серии.

3. Pulse squats – раширете ги нозете во ширина на рамената и испружете ги рацете пред себе. Правете чучнувања, така што ќе ги свиткувате нозете под агол од 90 степени. Со секоја вежба обидувајте се да чучнувате колку што можете подолу. Повторете ја оваа вежба 15 пати по четири серии.

4. Ball plank with kick-up – земете топка за пилатес. Ставете ги рацете на подот, а потколениците нека ви бидат на топката. Држете ја десната нога право, додека во исто време ја подигате левата нога. Останете во таа положба неколку секунди. Потоа повторете ја постапката со другата нога. Повторете ја оваа вежба 15 пати по четити серии за секоја нога.

5. Step ups on bench – земете едно ниско столче или клупичка. Раширете ги нозете во ширина на рамењата и ставете ја десната нога на столот. Треба да почувствувате како ви ,,работат,, мускулите на задникот и притисок во левата пета. Повторете ја постапката со другата нога. Повторете ја оваа вежба 15 пати по четири серии за секоја нога.