Ослободете се од прекумерното потење

Прекумерното потење или хиперхидроза е болест од која страда околу 3 проценти од возрасната популација, а за да се решите од оваа мака, неопходна е терапија која ќе ја одреди лекарот. Ова заболување може да биде од примарен тип, а причината за неговото појавување е непозната, како и секундарен тип, кој обично настанува после некоја друга болест или пореметување. Примарната хиперхидроза вообичаено типично се јавува на дланките, табаните, во пазушниот предел, но и на челото и на кожата ана целата горна усна. До влошување на состојбата доаѓа кога личноста е под стрес и после силни емоции.

Медицинските експерти тврдат дека на овие болни животот воопшто не им е лесен, имаат голем проблем, отежната им е комуникацијата и многубројни други секојдневни активности.

Другиот тип на прекумерно потење е секундарната хиперхидроза за која е можно да се одреди причината за негово настанување.

Ова настанува или после некое генетско пореметување, инфекции (туберколоза, маларија..) или некоја ендокринолошка болест, меѓутоа и од алкохолизам, употреба на некои лекови, понекогаш и во бременоста. Според лекарите зголеменото потење може да биде предизвикано и од одредена храна (зачини, цитрусно овошје).

Според нив, прво е неопходно правилно да се постави дијагноза.

Доколку секундарната хиперхидроза е предизвикана од некоја друга болест, лечењето на основната болест довела до излачување и на прекумерното потење. Во случајот на примарната хиперхидроза, лечењето е симптоматско, а со самото тоа и покомплицирано.

Кога е во прашање лечењто на примарна хиперхидроза, постојат неколку можности – лечење со соли на алуминиум, 20-минутна јонофереза (насочување на електролитите со помош на галвански струи) два до три пати неделно, антихолинергиски лекови и блокатори на адренергични рецептори.

Според лекарите инекциите од ботулински токсини тип А се ефикасни за решавање на прекумерното потење во пределот на пазувите и дланките, а ефектот трае сигурно 6 месеци, а кај некои и до 12 месеци.

Колку пот е нормално?

Кога расте температурата на организмот, телото се поти, потта испарува и на тој начин го лади телото. Водата е основната состојка на потта. Здравиот човек може да произведе околу пола литар пот на час, а спортистите и три до четири литри на час! Потењето е рефлексна функција која е примарно контролирана од симпатичкиот нервен систем, што значи дека е неволна.

Што да се избегнува?

Храната и пијалоците кои се препорачуваат да се избегнуваат се кафе, чај, газирани пијалоци, чоколади, зачинета и врела храна, алкохол и друго.